掃呢頁CODE去手機

2018年5月23日 星期三

【未老先衰變爺爺?】李連杰發相澄清 美國經理人:無中生有 __,李連杰,

現年55歲嘅李連杰於1982年獲導演張鑫炎賞識,拍首部電影《少林寺》之後成名,絕對係當代武打巨星嘅表表者。進軍荷李活,因為出手快,被冠以「JetLi」 ...


現年55歲嘅李連杰於1982年獲導演張鑫炎賞識,拍首部電影《少林寺》之後成名,絕對係當代武打巨星嘅表表者。進軍荷李活,因為出手快,被冠以「Jet Li」嘅稱號。

不過近年佢因舊患同患上甲狀腺機能亢進症(甲亢)影響,已經減少幕前演出,致力佢創辦嘅壹基金慈善事業。早前佢去到西藏拉薩大昭寺出席慈善活動時,俾人影到佢白髮憔悴又有駝背嘅相,在場嘅小學生仲叫咗佢一聲「爺爺」(新聞連結:https://bit.ly/2GFZ7pK)。

報道出街之後引嚟好多李連杰嘅fans關心,就連外國傳媒都有報道。

前日李連杰嘅經理人Steven Chasman終於喺The Washington Post開聲,佢認為只係嗰張相影得差,同埋係觀感嘅問題。Chasman話李連杰已經對抗咗甲亢10年,亦都同對方嘅助手聯絡過,一切都冇問題。佢仲提供咗一張李連杰喺本月12日影嘅相,相中李連杰精神奕奕,Chasman話:「一切都會安好,只要沒有人無中生有。」

精選娛聞,喺晒《娛果》 http://fb.com/appledailyent



當日李連杰去西藏出活動嘅相,望落成個70老翁一樣。(網上圖片) 當日李連杰去西藏出活動嘅相,望落成個70老翁一樣。(網上圖片)
李連杰喺大昭寺參與活動。(網上圖片)

李連杰喺大昭寺參與活動。(網上圖片)
憑電影《少林寺》一炮而紅。(劇照)

憑電影《少林寺》一炮而紅。(劇照)

鍾意就快D Share啦!