毛舜筠升呢金像影后。
出壚金像影后毛舜筠及「最佳新演員」凌文龍出席團隊慶功宴，余安安、江欣燕及林建明等紛紛現身支持。大會筵開11席宴請台前幕後、顧問家庭及傳媒，場面相當熱鬧，毛舜筠更上台抽獎，兼每圍敬酒，期間獲友人祝福「演技繼續大進步，攞完影后再挑戰胡定欣攞視后」，氹到毛舜筠笑到合不攏嘴，搞笑回道：「咁會好忙喎！」
日本旅行喪飲
毛舜筠受訪時則自爆日前去日本旅行期間，自己足足飲醉4晚！她笑說：「講出嚟我老公實知嘞。嗰幾日咁啱余安安佢哋喺度，佢哋畀我驚喜派對。我哋晚晚飲香檳，我唔記得飲咗幾多、點返房，只知日日下午兩點先起床，所以冇乜時間購物。（你好飲得？）以前係，但好耐冇試過咁，酒量都要練嘅。」當問到會否趁得獎調整片酬，她表示暫未考慮，但一切必然以角色及劇本行先。
得獎唔加片酬
凌文龍與契媽兼經理人余安安齊齊受訪。小龍得獎後相當識做，即宴請契媽打邊爐及送絲巾給對方，令安安甜在心裏，但卻心痛他「亂使錢」。安安不諱言有不少劇本洽談小龍參與演出：「最特別係有人叫佢演壞人，即係證明佢應該可以演好多角色。我就想今年內能夠認真同佢拍番套戲演母子。（幫佢加片酬？）唔會，想幫佢儲經驗，及演出機會就真。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
