掃呢頁CODE去手機

2018年3月18日 星期日

甄子丹狂讚汪詩詩廚藝:好多人搵佢開餐廳 __,子丹,汪詩詩,甄子丹,

好強烈嘅閃光彈呀!「宇宙最強」甄子丹與太太汪詩詩到沙田馬場出席賽馬會2018《寶馬香港打吡大賽》,二人表示平時會投注玩少少,問到眼光好唔好?甄子丹指住 ...


好強烈嘅閃光彈呀!


「宇宙最強」甄子丹與太太汪詩詩到沙田馬場出席賽馬會2018《寶馬香港打吡大賽》,二人表示平時會投注玩少少,問到眼光好唔好?甄子丹指住太太說:「好明顯」反而詩詩表示對良匹的眼光會好一點,會研究良匹名字與衣着,唔叻但有運。

子丹狂讚詩詩煮嘢有心思

談及兩夫婦近排較多時間二人世界,詩詩經常煮飯給老公食,她面露甜笑說:「佢要拍戲都好忙,留喺香港得一、兩日,所以盡量做個好太太,整佢鍾意食嘅嘢。」詩詩日前為老公準備材料打邊爐,甄子丹直言太太經常諗好多好味的花式菜色:「成日會問我想食咩,我又少喺香港,所以佢會好用心研究。」問他最欣賞太太甚麼菜色?詩詩笑言:「我企咗係度,唔可以話唔欣賞。」

自爆被邀開餐廳

甄子丹大讚太太在煮食方面很有天分,只要專心就做一定有水準,問可有想過讓太太開私房菜?他直言有好多人都邀請他們開餐廳,詩詩續說:「廚藝喺父母身上學番嚟,但傳統嘢唔係好叻,想再學好啲但冇時間。(小朋友有冇你啲真傳?)個仔細細個就想報烹飪班,開頭以為佢識女仔,但原來佢真係想研究,意大利菜都識煮,平時又會係廚房幫手切嘢。」甄子丹笑言女兒嘴刁好識食,問到是否識食世家?他說:「做嘢咁辛苦都係為咗食唧!」問到復活節會否與小朋友外出旅遊?他透露屆時要開工,表示太太會就小朋友而作出安排。


來源 source: http://hk.on.cc
鍾意就快D Share啦!