掃呢頁CODE去手機

2018年2月9日 星期五

【豪語錄●同前夫一句說話復和】黎瑞恩唔再憤怒 __,黎瑞恩,

依家嘅黎瑞恩開開心心,原來以前佢喺朋友圈子,有名叫「爆姐」,憤怒鳥嚟架!她說:「以前我好容易嬲,係一個大情大性嘅人,熟嘅朋友就話唔嬲你啫,唔熟嘅人真係 ...


依家嘅黎瑞恩開開心心,原來以前佢喺朋友圈子,有名叫「爆姐」,憤怒鳥嚟架!她說:「 以前我好容易嬲,係一個大情大性嘅人,熟嘅朋友就話唔嬲你啫,唔熟嘅人真係會好嬲。

我成日都憤怒,由細到大都好憤怒,我係憤怒青年,有時會衝動得滯,同埋我最衰係憤怒得嚟又唔記得嘢,譬如我鬧完人,轉頭就會無嘢,但可能人哋有嘢。或者有時鬧完嗰個人,但唔記得咗,下次見到我又會主動打招呼,其實鬧人都唔應該嘅!」

依家遇到不快事,佢會停一停,諗一諗,未爆發,藥引自動撲熄

有一年嘅新年,佢原本打俾前夫,要同佢搏火開年,點知接通一刻,佢一個掟彎,開場白變咗四個字:恭喜發財,關係從此破冰,再見亦是朋友。

「因為繼續嬲,係無辦法對話嘅,一打去就鬧人,人哋聽到都會唔開心,掉番轉一樣啫,講恭喜發財係咪都soft 啲,起碼都恭喜佢發財

以前有啲咩嘢事發生,我都會先追究嗰個人,我唔會諗解決辦法,但而家會先諗點解決件事,唔好嬲住,快啲點樣搞番掂佢,到搞番掂我 已經唔記得嬲嗰個人,咁幾好。」

相關新聞:

【豪語錄●暈倒後改變人生觀】黎瑞恩:應該尋找我嘅快樂

http://bit.ly/2EdoX83

【豪語錄●唔再鬱埋】面對胰臟瘤 黎瑞恩:心情好就係我嘅良藥

http://bit.ly/2nPO9aL




來源 source: http://s.nextmedia.com
鍾意就快D Share啦!