掃呢頁CODE去手機

2018年2月1日 星期四

係愛呀!阿嬌賴弘國愈難愈愛 __,阿嬌,鍾欣潼,

打風都打唔甩~藝人鍾欣潼(阿嬌)喺社交網公布喜訊,佢答應咗男友求婚呀!阿嬌同賴弘國上年十月爆出戀情,阿嬌年紀大過賴弘國4年,仲要係跨國戀,依家仲要修成 ...


打風都打唔甩~


藝人鍾欣潼(阿嬌)喺社交網公布喜訊,佢答應咗男友求婚呀!阿嬌同賴弘國上年十月爆出戀情,阿嬌年紀大過賴弘國4年,仲要係跨國戀,依家仲要修成正果,真係恭喜恭喜!

其實,爆出戀情之後,賴弘國都有好多是是非非係咁爆出嚟。先爆出賴弘國早年同有「空界林依晨」之稱嘅前空姐趙筱葳結過婚,但結婚半年就宣布離婚!之後同阿嬌戀情曝光之後,賴弘國被發現有個「G奶老婆」Wendy,對方仲以「老公」稱呼賴弘國:「半年見一次老公,畢竟他事業做太大。」但原來兩人只係學長學妹關係,冇感情瓜葛!

講過想生BB

對於男友被瘋狂起底,阿嬌都撐盡男友,佢話過:「每個人有歷史,每個人都有過去,唔介意、包容同鍾意咪得囉,最緊要唔好影響到人哋之前嗰個(前妻),唔好騷擾到人。」夠晒大方!

今年一月時,阿嬌同埋好姊妹阿Sa接受東網專訪,問到阿嬌對結婚有冇憧憬,佢當時話:「有嘅,唔想40歲先生BB嘅,好辛苦,唉!暴露咗自己年齡添!(你仲有3年時間。)咁都要佗B㗎,可遇不可求。」估唔咁相隔一個月,就有好消息傳出,真係恭喜晒!


來源 source: http://hk.on.cc
鍾意就快D Share啦!