林珊珊大女西瓜離開電台，佢話唔係畀森美鬧走嘅！
電台節目主持人林珊珊大女西瓜（李澄）今日離職，主持完最後一期《早霸王》後向同事及DJ朋友派「散水餅」。接受訪問時，她坦言感到不捨：「心情有少少緊張，呢份算係我第一份正職工作，做咗八年，今朝節目播完最後一首歌，都有啲忍唔住喊，真係會唔捨得。」
唔想「樹大好遮蔭」
問到新動向，她說：「會繼續做主持同配音嘅工作，亦都會試吓去唔同平台發展。一月份同公司提出，當時公司都有同我商量，睇吓除咗咁樣會唔會都有其他繼續合作嘅方法，但係自己覺得既然決定要出去闖，就唔想再畀自己有『樹大好遮蔭』嘅諗法。」
森美好難追得上
講到曾有指西瓜在節目中常被森美狂鬧，西瓜就否認這個講法：「森美可以話係我恩師，如果唔係佢咁樣喺節目度同我打鬧，等啲觀眾可以記得我，令到我嘅形象可以出到，又時時提點我，教咗我好多！（唔係畀佢鬧走？）當然唔係，如果咁講就太唔感恩啦，森美係好難追得上嘅目標！（想好似佢咁試吓幕前？）我諗係好難，真係要好似佢咁有番咁上下味道先可以，要知道佢都經歷咗好長時間同鍛煉，先變到依家咁男子漢，佢真係好犀利，係好有行動力嘅人。今朝節目入面森美小儀都有同我farewell，遲啲會再約食飯。」
西瓜說家人都十分支持自己的決定，但就未有安排時間休息，會立即開始工作。
來源 source: http://hk.on.cc
|
鍾意就快D Share啦！
|
|
|
