掃呢頁CODE去手機

2018年2月10日 星期六

捱足七年!胡鴻鈞野心爆發劍指紅館 __,胡鴻鈞,

Hubert入行七年,同其他「巨聲」戰友比,成績唔算突出。最近人氣急升的胡鴻鈞(Hubert)去年可算是大豐收,雖然入行7年看似不受重用,但他一直抱着 ...


Hubert入行七年,同其他「巨聲」戰友比,成績唔算突出。


最近人氣急升的胡鴻鈞(Hubert)去年可算是大豐收,雖然入行7年看似不受重用,但他一直抱着好學的心態去面對樽頸位,更笑言承受不了瞬間彈起的衝擊。對於去年的成績,Hubert坦言現時多了點野心,希望2018年能夠再下一城開音樂會,更定下30歲前登上紅館的目標!

攞樂壇獎項 如坐過山車

參加歌唱節目《超級巨聲》出身的胡鴻鈞不經不覺出道7年,一直躋身在一班「巨聲」戰友許廷鏗(Alfred)、吳業坤等人當中,未能突圍而出,很多粉絲替他不值,直至他在劇集《降魔的》飾演石敢當,亮眼的演出令他人氣飆升,連帶他獻唱的主題曲《到此一遊》熱爆成金曲。一直默默耕耘的他在演藝事業上終吐氣揚眉,既在樂壇頒獎禮獲得獎項,也得到大家的認同,唱而優則演的他獲唱片公司點名力捧,但Hubert並沒有飄飄然,一直抱學習的心去對待成與敗。

能夠再次參與頒獎禮對Hubert來說是珍而重之的機會,由原本只想爭取到入場券,直到奪獎恍如登上了過山車,他坦言:「絕對係好大鼓舞,一直都好希望出席到所有頒獎典禮,其實拎唔拎到獎真係平常心,自己做音樂最緊要係得到歌迷嘅認同。當然獎項每個人都想拎到,但都係回歸做音樂嘅起點,就係我嘅音樂可以傳遞啲咩訊息,呢個先係一直以嚟畀自己嘅一個課題,我嘅初心同抱負係冇變過,都係想做一個有影響力嘅歌手。」

衝破恐懼框框

雖然參加比賽後未能立即推出屬於自己的專輯,而是擔任節目主持及拍劇,但Hubert指這些機會都能夠擴闊自己的視野,希望將學習到的應用在音樂上。問到可曾覺得好友Alfred離開星夢後才有上位的機會?Hubert坦言以前經常會自我質疑,更怕樂迷會不認同自己所做的事,還自嘲冇野心:「依家多咗啲野心,不過當然外界嘅因素係冇辦法預計同控制,自己都唔諗得咁多,反而諗自己有冇做好本分,咁先可以令自己向前行。今年會畀Credit自己係衝破咗啲框框,冇被恐懼去支配自己。」

劇集歌王 盼多樣化

談到去年在音樂上得到認同,2018年可會乘勝追擊?Hubert興奮表示很希望今年能夠開音樂會,所有細節已經慢慢進行中,更會在劇集歌和非劇集歌中取得平衡:「好坦白大家認識都係因為主題曲、劇集歌,但都好希望音樂係同自己個人有關。當然好感恩有機會唱劇集歌,因為唔係個個都有機會做到,絕對不能否認滲透力同影響力,但要拎平衡,令觀眾對自己嘅音樂認識更全面。」

問到好友吳業坤踏過紅館舞台,27歲的Hubert指定下了目標,望在30歲前登上紅館,搞笑謂:「冇咁大諗頭!因為始終自己冇咁多開騷經驗,雖然係終極目標,但比較享受循序漸進嘅感覺。」問到為何對自己沒有信心?Hubert不能否認自己沒有開過演唱會的事實,亦絕對不介意一步步慢慢來,最不想在自己未準備好的情況下令到大家失望而回。

未慣走紅 珍惜學習機會

回顧入行7年,當然經歷過高高低低,但Hubert一直都享受着默默耕耘的感覺,笑言絕對接受不了一夜成名及瞬間彈起的衝擊,更表示若果機會在自己還未準備好的時候出現,寧願放棄機會:「我相信每個人都有屬於自己嘅機會,好感恩好好彩啲機會冇喺我未Ready嘅時候出現。雖然我依家都唔可以大聲話我已經Ready,因為每個人都需要學習同進步,心態上更加成熟同埋懂得如何去處理問題,都係享受循序漸進嘅過程。」

他續說,人生必定會遇到迷惘和樽頸位,甚至覺得所做的事跟初衷背道而馳,但心態取決了一切:「如果將每個工作都視為學習嘅機會,就唔會覺得嗰啲嘢係違背當初想做嘅事。我承認當時好幼稚,我入嚟就淨係想唱歌,大家可能會覺得拍劇同唱歌冇乜關係,但正正令自己學習點同人相處同埋團隊精神。」

Hubert透露用了一段長時間去慢慢調整心態,更覺得自己很幸運家人沒有給予經濟上的壓力,笑言:「我已經比好多同行嘅朋友好彩,所以唔需要太過擔心,都叫做養活到自己,唔會用慘去形容。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!