掃呢頁CODE去手機

2018年2月12日 星期一

情人節同阿佘過?子華落閘:我會隱身 __,子華,佘詩曼,阿佘,黃子華,

子華使唔使咁呀?!藝人黃子華和佘詩曼為宣傳賀歲片《棟篤特工》坐直升機架勢地空降石崗,直升機場風起雲湧!兩人更以黑白配打扮亮相,其中子華更以「許文強」褸 ...


子華使唔使咁呀?!


藝人黃子華和佘詩曼為宣傳賀歲片《棟篤特工》坐直升機架勢地空降石崗,直升機場風起雲湧!兩人更以黑白配打扮亮相,其中子華更以「許文強」褸Look出場,可謂襯到絕!落機時,子華亦扶實阿佘,非常Gentleman。

訪問時,子華就指今次旅程使他發現香港的另一面:「喺上面睇原來香港係好多植物、好多綠色,要好好珍惜!(拍嘅時有冇出動到直升機?)拍戲就冇,但海報有!(第一次坐直升機?)我哋有咩未坐過!(火箭?)細路仔嗰啲就坐過。(叫蕭定一請?)咁要等下一集喇!」

叫阿佘賣「Sexy Man」

子華又笑指同行不少人好不守規矩:「個個都開電話用,我呢啲做特工好守規矩,受過訓練,佢哋冇呢個意識,爭啲想叫埋飯食。」問是否對票房有信心,子華就指自己心態是審慎樂觀:「新年大家都寬鬆啲,希望可以啱啱好多啲啲。(開下集?)就係睇收幾多,要睇大家點幫忙。」之後,子華又笑住咁推薦阿佘要搞花市,賣「Sexy Man」(佘詩曼諧音)膠公仔!

問情人節阿佘是否要開工?她就指自己要繼續宣傳。問是否孖住子華?子華即秒速落閘:「嗰日我會隱身,要做節。」但他坦言之後或者喬裝入戲院睇反應:「以前都試過喬裝,黐假鬚戴哨牙,但反而咁會多人望,所以依家就搽黑自己算。」他們又指自己對今晚首映感緊張,因為事前未睇過足本版,心情有如收成績表。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!