掃呢頁CODE去手機

2018年2月4日 星期日

極地長征不敵-50℃嚴寒 梁諾妍險凍死 __,

梁諾妍去極地慈善跑差啲凍死…模特兒梁諾妍(Inez)在香港時間2號凌晨在阿拉斯加展開為期9日的500公里「冰極長征」慈善跑,擔當領跑員角色的她跟視障跑 ...


梁諾妍去極地慈善跑差啲凍死…


模特兒梁諾妍(Inez)在香港時間2號凌晨在阿拉斯加展開為期9日的500公里「冰極長征」慈善跑,擔當領跑員角色的她跟視障跑手梁小偉(Gary)及香港首位極地馬拉松大滿貫得主盧俊賢(Steve)組成三人小組出戰。雖然當地凍到得零下幾十度,但Inez做足準備功夫,事前亦特地增肥以增加脂肪來消耗。然而正當賽事剛開始不久時,今日竟傳來Inez險些凍死,比賽宣布全線暫停的消息!

Inez回覆東網時表示:「我哋行咗50公里,18個鐘冇休息冇瞓,到朝早5點半紮營諗住瞓覺,但氣溫係差唔多成負50度,我哋喺個營度凍到根本瞓唔到。」她謂休息到早上8時決定起身:「諗住起火起爐煲啲熱水先可以繼續行落去,但點知太凍我哋三個嘅白電油都用唔到,搞咗成個鐘乜都起唔到,手指白晒,腳趾都冇晒知覺!」她續謂當時剛好有工作人員經過:「佢問我哋有冇事,仲話會攞啲白電油同爐畀我哋,但等咗三個鐘都未返嚟,我哋成身冰晒又冇熱嘢食,冇辦法下要撳求救掣,再過多一個鐘先有第二個工作人員接我哋,真係差啲凍死!」

隨後大會接載他們返回原本住的酒店,Inez才發現原來其他參賽者全都折返,比賽亦因天氣太寒冷的關係宣布全線暫停,她表示:「冇人頂到,實在太凍,個比賽好似都係第一次凍到要暫停,當地咁耐都未試過咁凍。」問他們可會待天氣不太冷繼續比賽?她表示他們還未決定到:「因為暫時都未知天氣會點,擔心唔夠時間完成剩低嘅路程,始終500公里係好遠,如果完成唔到成個比賽都唔叫係成功做到呢件事,而且因為我哋11號就要返嚟,因為其中一個隊友Gary之後要去京都參加馬拉松,我哋係一team人,其中一個唔可能完成都唔叫係一team人完成個比賽。」故她表示要待明天開會研究會否繼續比賽。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!