2018年2月8日 星期四

揸四千萬嫁妝阿嬌急嫁趕 40歲生 B [壹週刊 - 1457] __,阿嬌,鍾欣潼,M1,

一有時間就黐到實,早前阿嬌陪未婚夫返台灣。探熱針揸四千萬嫁妝阿嬌急嫁趕40歲生B「個個都拍拖,唔通個個都想拍拖咩?」阿嬌「神遊金句」一出,冇耐即被踢爆 ...






一有時間就黐到實,早前阿嬌陪未婚夫返台灣。

探熱針

揸四千萬嫁妝阿嬌急嫁趕 40歲生 B

「個個都拍拖,唔通個個都想拍拖咩?」阿嬌「神遊金句」一出,冇耐即被踢爆暗交來自台灣,有「醫界王陽明」之稱的醫學美容醫生賴弘國。兩人拍拖半年,上週阿嬌在 Ig晒巨型鑽戒宣布婚訊。

但早前出席活動,阿嬌就話要等對方財政成熟,唔使捱先肯嫁。實情一向有買賣磚頭的阿嬌密食當三番,多年來已賺千萬嫁妝,加上手持維壹價值三千二百萬豪宅,手揸四千萬嫁妝,根本唔使靠老公養!

去到邊跟到邊

「異地戀」一向難維繫,阿嬌早前出席活動時大呻未婚夫經常周圍飛,甚少見面時間,阿嬌公開詐型,賴弘國即刻要做番啲嘢,為咗阿嬌逼住做「空中飛人」跟得

男友。

「佢未婚夫都算係咁,自己個 schedule密密麻麻,都要就住阿嬌啲期,阿嬌去邊度開工,佢就編近啲,成日陪住佢開工,呢排阿嬌忙住內地巡唱,佢一就到期就去撐場。」阿嬌身邊人透露。





賴弘國幫阿嬌拎住手袋,仲放好 passport。





阿嬌見到記者即刻彈開,同賴弘國分開入閘。





阿嬌同未婚夫除咗襯晒情侶裝,連黑色 BV passport套都襯到一式一樣。

開到口恨嫁

上年十月,戀情一曝光,賴弘國隨即被起底,除咗同空姐趙筱葳結過婚,又孖 G奶 Wendy遊日本,女方仲稱呼佢做「老公」。不過戀愛大過天的阿嬌一於少理,拍拖五個月,已經開到口恨嫁,仲話希望婚後息影做少奶奶。

「佢次次拍拖都係咁投入㗎喇!其實佢都開到囗等人求婚,同埋可能年紀都唔細,加上佢咁鍾意細路仔,淨係契女都有三個,佢都話唔想四十歲先嚟結婚生仔,咁而家都三十七喇,心急都唔奇。」





日前阿嬌開記招親自交代婚訊,老闆楊受成笑指阿嬌「執到喇」,更有傳會送上豪宅做嫁妝。

未婚夫拎手袋

難得搵到 Mr. Right,阿嬌豁出去全程投入。一月二十一日,阿嬌正日生日,賴弘國求婚成功,十日後阿嬌即在 Ig公布婚訊,翌日更召開記者會,當日一副含春樣的阿嬌更大讚男友超過一百分,仲話:「佢對我好好……應該話係喺對嘅時間,遇到對嘅人!」

早前賴弘國秘密來港,入住阿嬌位於西環寓所,幾日後又輪到阿嬌陪男友飛返台灣開工,總之一有時間就黐到實。離港當日,阿嬌同男友齊齊著住黑色情侶裝,戴住黑色 Balenciaga情侶帽,行去櫃位 check in,身邊仲有一名 TB助手把風。 Check in之後,賴弘國細心幫阿嬌拎住手袋,仲袋好 passport,兩個黐實一齊行,仲有講有笑。





阿嬌大讚男友超過一百分,仲話自己喺「對嘅時間,遇到對嘅人」。





阿嬌生日正日,賴弘國送上巨型鑽戒,跪地求婚。

見記者即彈開

冇耐 TB助手眼利瞄到記者,即刻通知主子,阿嬌當堂面色一沉,拿拿臨拎番手袋即刻彈開。之後賴弘國好冇癮單拖行去閘口,阿嬌就同助手去另一邊閘囗入閘,沿路仲不停搵助手做人肉擋箭牌。過海關時,阿嬌從手袋拎出 passport,原來除咗襯晒情侶裝,連黑色 BV passport套都一式一樣,真係慌死人唔知佢哋係一對!





阿嬌嫁人,好姊妹阿 Sa激動到瞓唔着。

鍾意短炒

一向鍾意買賣磚頭,多年來頻頻買入賣出,都係賺多過蝕,加埋手上持有的單位,阿嬌起碼有近四千萬嫁妝。

物業 買入賣出賺/蝕市值

維壹高層2,325萬( 12年)持有3,200萬

羅便臣道 31號中層 1,420萬( 08年)1,939萬( 17年)賺 519萬/

羅便臣道 31號中層 1,427萬( 08年)1,290萬( 09年)蝕 137萬/

干德道慧明苑低層 570萬( 04年)470萬( 04年)蝕 100萬/

一號西九龍低層973萬( 15年)1,152萬( 17年)賺 179萬/

畢架山一號低層1,138萬( 06年)1,200萬( 07年)賺 62萬/

又一村花園低層1,370萬( 05年)1,638萬( 06年)賺 268萬/

共賺 791萬共市值 3,200萬





維壹高層





羅便臣道 31號中層





干德道慧明苑低層

撰文:娛樂組 

攝影:李溢敏 


鍾意就快D Share啦!
Related Posts Plugin for WordPress, Blogger...