掃呢頁CODE去手機

2018年2月1日 星期四

《溏心 3》彈出,胡琳食住上五月開個唱 [壹週刊 - 1456] __,胡琳,M1,

即將在五月於StarHall舉行兩場個唱的胡琳,早前穿上大露背拍攝演唱會海報。探熱針《溏心3》彈出,胡琳食住上五月開個唱《溏心風暴3》反應麻麻,只得唐 ...






即將在五月於 Star Hall舉行兩場個唱的胡琳,早前穿上大露背拍攝演唱會海報。

探熱針

《溏心 3》彈出,胡琳食住上五月開個唱

《溏心風暴 3》反應麻麻,只得唐文龍陳敏之同胡琳的三角關係感情線獲得觀眾受落,飾演賢妻的胡琳第一次拍劇便成功彈出,更難得俾網民開 po討論,見仲有啲勢,決定五月在 Star Hall舉行兩場演唱會,搏一搏。







胡琳對工作很認真,影完一個鏡頭,便會立即走到電腦前看看相片。





胡琳為拍攝個唱海報整了個鬈髮,趁化妝整頭沒什麼好做,愛與工作人員拍照留念。





劇集《溏心 3》內,胡琳與唐文龍演夫婦,有一個女兒,她首次拍劇便受網民留意,為此感到很開心。

奧海城睇中醫

上週三(二十四日)下午四時半,見到胡琳坐住公司天映的七人車到大角咀奧海城,戴住口罩的她由助手陪住落車,入到商場先到么鳳買潤喉涼果,然後熟路地走去農本方郭志華女中醫,登記排隊睇醫生,睇完後再行超市買零食,掃完一輪便上車離開。

本刊致電胡琳,問她有關睇中醫一事,她說:「去睇中醫係因為自己好渣,呢排為自己隻新廣東大碟趕錄音,前排感冒好厲害,而家好番八成,仲未清晒,加上又有啲咳同皮膚敏感,睇中醫希望快啲清埋啲感冒菌,唔好影響錄音。」







在商場內見到結他店,胡琳停了下來,與助手研究其中一支結他。





經過么鳳,胡琳入內買了些涼果及豬肉乾。







睇完中醫後,胡琳與助手齊齊入超市掃零食。





戴住口罩的胡琳,在診所內乖乖排隊睇中醫。





睇完中醫,胡琳望住包中藥嘴扁扁,十足小朋友一樣!

唱埋劇集主題曲

最近大家對《溏心 3》扮演唐太的胡琳好有興趣,網上有不少人開 po討論她,讚她嬌滴滴,更估不到有好多網民都話寧願要胡琳,都不要陳敏之,胡琳聽到很開心,「有敏之同唐文龍呢兩個咁勁嘅演員做對手戲,個心係怯嘅。第一次拍劇就遇到咁好嘅劇本同角色,好多謝監製家豪哥俾機會我。」入行十年的胡琳,第一次拍劇喺戲入面飾演賢良淑德角色,成功吸納一批男 fans,她本身唱的不是主流音樂,而是爵士音樂,不過,自從參演了《溏心 3》後,她多了機會在無綫亮相,就連最近播映的劇集《平安谷之詭谷傳說》主題曲亦由她主唱。







劇集《溏心 3》在港的收視不好,幸好有唐文龍、胡琳及陳敏之這段三角戀成為劇集話題。





當時劇集宣傳的焦點放了在三人身上。

全美國班底

胡琳及公司趁網民對她有興趣,食住個勢五月會在 Star Hall搞兩場演唱會,她說:「拍咗《溏心 3》多咗好多宣傳及多咗好多觀眾認識我,趁呢個時候開個人演唱會,信心都會大咗,因為我發覺套劇播咗後,會多咗好多平時冇留意我唱歌嘅人去搵我啲歌去聽,然後再喺網上留言話都鍾意我唱歌,其實係好開心嘅一件事。」據知,對自己要求很高的胡琳,每次開騷都很揼本,今次亦不例外,班底是美國 Jazz Band,為了今次個唱,亦要特別飛去美國彩排。

會不會請「老公」唐文龍及「情敵」陳敏之睇騷?她說:「當然會請啦,希望唐文龍會喺香港,佢同敏之得閒嚟睇就好喇!」







15年,胡琳在演藝學院舉行一連三場演唱會,尾場請到偶像林子祥做嘉賓,令她夢想成真。





去年,胡琳有份參演舞台劇《風雲 5D》,飾演楚楚一角。

翻唱出頭

37歲的胡琳是 06年的樂壇新人,一直發展平平, 10年改用藝名小琳出專輯,仍未能為她帶來突破。入行十一年的胡琳,曲風以爵士樂及 R&B為主,出過十二張唱片, 12年憑翻唱鄧麗君歌曲,靚聲開始被留意, 14年推出另一張翻唱四大天王的唱片,首日發售便賣斷市,憑翻唱冒出頭。





入行十年的胡琳。





2006年的新人,曾與許懷欣齊齊奪得當年的新人獎。

撰文:娛樂組

攝影:李玄


鍾意就快D Share啦!