掃呢頁CODE去手機

2018年1月12日 星期五

【開Live出事】超蓮意外洩三太素顏look 超雲嬲豬被上鏡? __,三太,超雲,何超蓮,超蓮,

如果你覺得人生有太多時間可以嘥,又唔想嘥錢,有乜嘢好做?有,睇live。冇營養嘅網上留言,同冇養份嘅live一樣,俯拾皆是。好似大台個猩猩app咁,樂 ...




如果你覺得人生有太多時間可以嘥,又唔想嘥錢,有乜嘢好做?有,睇live。

冇營養嘅網上留言,同冇養份嘅live一樣,俯拾皆是。好似大台個猩猩app咁,樂小姐呼籲一眾藝員大力支持、不論拍劇等埋位定係化妝間休息都好,都要喞啲時間開live…動輒十幾分鐘,你永遠唔知佢想講咩,但又有人睇。

除咗猩猩app,微博都有live,何家淑女超蓮都有玩,可以俾大家送下小禮物呀、chit chat下咁。

何超蓮本身已經好勤力玩ig同fb,估唔到佢連大陸市場都兼顧埋。今晚,佢又喺微博開live,但似乎揀錯時間,因為入嚟嘅人唔多,超蓮扁晒嘴咁等咗耐,先有人開始陸續留言。

超蓮個live有冇營養呢?如果你有8分鐘閒著無聊,或者一心想做超蓮隻兵——可以睇下——講真,係好睇嘅,selling point包括超蓮個大頭,白裡透紅肌膚係零瑕疵,係零。無疑,個妝化得好「行」下,於是有網民問佢:喺屋企做乜要化濃妝?

呢位網民明顯係睇得太少無綫劇,無綫劇裡面啲主角,男男女女都化「行」妝著拖鞋瞓覺0架。

Sorry又扯遠咗,其實又唔算撐得太遠嘅,因為喺超蓮個live裡面,傳來好大聲嘅電視聲——睇緊無綫。

超蓮打扮得靚靚開live,賭王三太陳婉珍呢,就真係無辜,皆因為佢真係一身家居服,喺屋企玩貓,仲抱起其中一隻,好似抱BB咁:「你睇下你個頭,成餅嘢咁喎!」當鏡頭影住超蓮撚貓時,鏡頭外又飄來一句三太嘅聲音:「你個衰仔……」講緊隻貓。

大家只見到超蓮大頭,然後聽到三太大呼小叫,應該係啲貓貓唔知百厭匿埋咗邊,要三太周圍搵,搵來搵去都唔見「芝麻」,然後又聽到三太畫外音:「你唔好去廁所呀,跌咗落去你就死喇!」講緊嘅當然都係貓。

好喇,搵番「芝麻」喇,超蓮仲捉埋佢上鏡,但三太mission未完。當超蓮扁晒嘴等網民留言之際,三太把聲又飄咗過嚟:「你睇下佢哋」今次真係講緊超蓮,感覺就好似啲家長叫小朋友唔好掛住打機,幫手做下家務咁。超蓮都好聽話咁即刻起身,應該係貓貓百厭、推開啲障礙物闖禁地,令三太好擔心。

整完之後,咦,離遠見到超雲喎,又係一身家居服示人。超蓮連名帶姓嗌佢:「何超雲!何超雲!」超雲意識到被拍,即話:「唔呀,你唔好影我!」即閃。超蓮即同網民講:「她心情不好。」

咁究竟呢8分21秒嘥得值唔值呢?

超蓮微博live 截圖 等候觀眾入場期間,超蓮好鍾意玩唇。 同脷
又咬… 呢位係…



原來係三太! 就係呢幾隻寶貝貓,令三太好肉緊。
仲有三太屋企欣賞



佢係芝麻

見唔見到超雲?

鍾意就快D Share啦!