掃呢頁CODE去手機

2018年1月12日 星期五

【麻甩之約】克勤阿Lam私下鬥晒「二奶」 __,阿Lam,李克勤,克勤,林子祥,

難得搵到知心人!剛「入五」的李克勤早前從英國訂購了一部跟他同齡的古董甲蟲車,他知道林子祥(阿Lam)同樣有部黑色古董甲蟲車,上星期他們在廣州一個節目中 ...


難得搵到知心人!


剛「入五」的李克勤早前從英國訂購了一部跟他同齡的古董甲蟲車,他知道林子祥(阿Lam)同樣有部黑色古董甲蟲車,上星期他們在廣州一個節目中巧遇,克勤即在社交網上載合照,留言:「跟鬍鬚佬約好下個星期食個早餐,兩人揸部甲蟲出來影相。」克勤坐言起行,昨晨果然與阿Lam履行「甲蟲早餐」之約。

兩條麻甩佬約食早餐

愛砌Lego的克勤早前親手砌了一架甲蟲車,他接受電話訪問時說:「我知道阿Lam有架古董開篷甲蟲車,自己恨咗好耐,前年終於上網喺英國訂咗一部,架車喺2017年3月到港,但搞咗9個月先至揸得出街。上星期見到阿Lam,佢問我架車落地未,我哋咪約咗今朝7點揸出嚟影張靚相,阿Lam一向都早起,我就送完仔返學,跟住兩條麻甩佬出嚟約會食個早餐。」

網購英國筍貨

克勤表示阿Lam的古董車比他那部「細10歲」,他表示:「我嗰架車係1968年。」又指阿Lam是玩古董車專家,除了甲蟲車之外,在美國還有其他古董車。記者笑他們帶「二奶」出來約會,克勤笑說:「呢兩個字好敏感,係我哋心頭好!」他笑言自己盲樁樁買得這部古董車:「好好彩,架車本身係喺英國一個展覽度,性能好好,以50年車齡嚟計佢行得好少,仲係半自動波,呢個世界算係冇乜㗎喇,九成幾嘅零件都唔使換。」

又吼古董波子

克勤續指另一部「Dream Car」是古董保時捷,他笑說:「阿Lam喺美國都有一部,但好貴。(搵個藉口送畀自己慶祝生日囉?)好呀!下個生日。(叫太太盧淑儀送畀你?)唔得,咁我要買番好多手袋、鑽石戒指畀佢,依家要開始做定工夫先掂。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!