2018年1月1日 星期一

【獨家】拍拖幾個月傳有喜 陳嘉倩急澄清﹕我和他已分開一段時間 __,陳嘉倩,嘉倩,

27歲前無綫新聞小花陳嘉倩,去年11月被踢爆與「凸肚男」陳志遠(Stephen)拍拖,男方隨即被起底,指佢自稱係馬主,又曾涉禁錮,及與人有金錢糾紛。( ...




27歲前無綫新聞小花陳嘉倩,去年11月被踢爆與「凸肚男」陳志遠(Stephen)拍拖,男方隨即被起底,指佢自稱係馬主,又曾涉禁錮,及與人有金錢糾紛。(相關新聞﹕http://bit.ly/2AcgZt1)

聽落又真係幾令人擔心嘅......,如果你係嘉倩BB嘅朋友,你又會點做呢?

《蘋果》日前收到嘉倩BB嘅閨蜜爆料,指嘉倩BB得知男友過去之後,依然死心塌地咁愛對方。不過,嘉倩早前懷疑自己有身孕,男方知道後非常抗拒,立即趕佢出家門,即係之前被影過佢哋一齊返去嘅坪輋村屋(相關新聞﹕http://bit.ly/2zCtvCn),嘉倩當然好傷心啦。

嘉倩BB嘅閨蜜話﹕「好似有咗個幾兩個月,大家都勸佢離開個男人,但嘉倩就覺得對方冇問題。o依家俾人趕咗出門口,佢就唔肯聽電話,屋企又唔返,又唔畀我哋知佢住邊,好似失蹤咁。」據聞上月(12月)9日,嘉倩因為太唔開心,所以向港台請病假唔開咪,閨蜜繼續爆料話﹕「其實條仔平時係軟飯王,出街食飯話請朋友,其實都係嘉倩負責畀錢。外間又以為佢送好多嘢畀嘉倩,但其實所有名牌嘢,都係嘉倩自己畀錢買。」閨蜜仲提供咗一張嘉倩自己畀錢買鞋嘅單據,真係冇使男人一分一毫咁話。

《大氣候》主持兼監製胡世傑則回覆《蘋果》話:「嘉倩嗰日(12月9日)身體不適,佢仍繼續做緊主持。」記者致電嘉倩求證懷孕傳聞,佢噚日以短訊回覆話﹕「絕對沒有這樣的事,我和他已經分開了一段時間,不明白為什麼會有人無中生有,謝謝關心。」而

陳志遠就一直冇聽電話。



更多娛聞,喺晒《娛果》

http://fb.com/appledailyent

【minigame】2017瘋暈人物 返工打機唔使擇日

http://bit.ly/2CeWQkP

2018年,陳嘉倩宣佈與「凸肚男」分手。(左攝影﹕徐錦池、畢紹基) 去年11月,陳嘉倩仲跟男友返屋企。(資料圖片) 閨蜜爆嘉倩冇使男友錢,名牌都係自己畀錢買。(讀者提供)

鍾意就快D Share啦!
Related Posts Plugin for WordPress, Blogger...