掃呢頁CODE去手機

2018年1月27日 星期六

周慧敏開騷 湯記王馨平齊變美少女戰士 __,湯記,王馨平,馨平,美少女戰士,周慧敏,湯寶如,

回憶返晒嚟!周慧敏(Vivian)一連四場紅館演唱會開鑼,Vivian換上透明膠片晚裝唱出《肋骨》,唱完後她表示此曲記錄神做人的過程:「令我對婚姻理解 ...


回憶返晒嚟!


周慧敏(Vivian)一連四場紅館演唱會開鑼,Vivian換上透明膠片晚裝唱出《肋骨》,唱完後她表示此曲記錄神做人的過程:「令我對婚姻理解有唔同睇法,希望呢首歌祝福你同你嘅伴侶。」其後她表示這30年來特別重大的事就是定下了信仰:「我2009年信主,信仰令我嘅生命同價值觀有好大改變,以前自己好倔強,但直至接觸咗聖經之後,生命有好大嘅變化,將我建立咗幾十年嘅信念放低咗,依家面對生活大小事我都唔需要按照社會準則為指標,明白普世價值唔等於真理,所以我清楚點去取捨,將生命交畀神看管係好幸福嘅事。」然後唱出自己創作的《A Love Like This》,而其晚裝裙則在黑暗中發光。唱到《C'est la vie》等曲時,Vivian行去台側與觀眾握手。鳴謝環節時她多謝經理人古巨基太太Lorraine及總監古巨基,而唱到《如果你知我苦衷》時,螢幕播出她的成長照片。

Encore環節,Vivian身穿紅色美少女戰士服裝出場,跳唱《自動自覺》等快歌medley,唱到《美少女戰士》時,好拍檔王馨平(Linda)及湯寶如(湯記)出場合唱,其中Linda身穿露腰藍色戰士服裝,而湯記則穿黃色低胸戰士服裝,但心口有薄紗遮掩,全場high爆!唱完後三女表示很喜歡這環節,Linda表示為此環節排了很久,Vivian亦話:「你哋係咪有睇《美少女戰士》?希望呢套戲可以一直紅落去,到60歲我哋仲敢再唱《美少女戰士》。」Linda亦話:「你哋夠膽聽,我哋就夠膽唱!」觀眾即歡呼。其後Linda及湯記表示Vivian要變身,然後Vivian就落台換衫,期間兩女講有味笑話,表示在台上要小心個窿。湯記又笑言自己一身打扮似隻蕉,Linda即謂:「你唔好話自己係香蕉,就算係都係隻皇帝蕉。」之後湯記讚Linda身材好,Linda笑言幾日冇食飯,Linda亦抵死指着湯記的心口:「你都好好身材,有條事業線。」然後兩人呼喚變完身的Vivian上台,而她們就搵返個窿落台。

變身後換上紅色蝴蝶袖低胸晚裝的Vivian出場唱《孤單的心痛》,唱完後她表示:「入行到依家嘅一萬天最大收穫係得到好多友誼,朋友、工作夥伴、老師、伯樂、在座嘅你哋、家人,你哋一直喺我人生每個階段都愛同支持我,多謝!」然後唱出《天荒愛未老》,期間播放一直以來她跟不同圈中人、工作夥伴、家人等的合照,最後演唱會於11時20分圓滿結束。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!