苑瓊丹爆有大牌明星喺佢化緊妝嘅時候，搶走佢手上嘅鏡。
藝人苑瓊丹（苑仔）接受無綫娛樂新聞台節目《StarTalk》專訪，她表示很多人指《封神榜》中的「殷十娘」角色喊得好真：「其實當時真係一滴眼藥水都冇用過，因為我阿媽入咗醫院，個人喺大陸，又睇唔到佢，又心急又掛住，乜眼淚都出晒嚟。不過我曾經演過一個咁成功嘅戲我都好開心，而劇本本身都好好！」
試過萌生退意
入行多年的苑仔經常話畀人聽自己是捱出來的：「有段時間我做得唔開心，因為有人喺我背後做咗好多動作，我好憎呢啲嘢。我又試過畀人白眼，用緊塊鏡化化吓妝，有一個大牌問都冇問，我塊鏡就離開咗我隻手，我覺得好侮辱，搞到我有諗過唔想再做呢行。」
傾生意變追女仔
苑仔曾試過做按摩店生意，但當時撞正沙士最後搞到要結業。苑仔說：「今次搞頭髮生意已經搞咗成十年，因為唔想分心，所以呢幾年少拍咗戲，當中我都試過滑鐵盧，試過同人傾生意，嗰個人耍我次次都唔係傾生意，變咗約我出街食飯，我生得靚都唔好浪費我時間。」
老公唔鍾意被人管
她於節目中又大談夫妻相處之道，她指另一半是「半個鬼佬」，指對方的思想較自我：「我以前好傳統，成日問住佢去邊同做乜嘢，管佢啲嘢，相處耐咗之後，發覺原來我自己都唔鍾意畀人管，要有自由嘅人，所以依家好舒服，我唔理佢啲嘢，佢又唔管我。」她指互相尊重大家空間，相信對方是好重要：「有人會問怕唔怕佢亂嚟？我覺得唔緊要，原諒佢囉，寬恕別人係對自己幸福。」
來源 source: http://hk.on.cc
|
鍾意就快D Share啦！
|
|
|
