掃呢頁CODE去手機

2018年1月15日 星期一

憶蓮紅唇搶閘 胡楓紅館預百人上台賀壽 __,憶蓮,胡楓,林憶蓮,

林憶蓮搶閘為胡楓賀壽成功,並送上香吻紅唇,好溫馨!藝人胡楓、排舞師SunnyWong及製作人何麗全等到北角為2月10及11日假紅館舉行的演唱會排舞,胡 ...


林憶蓮搶閘為胡楓賀壽成功,並送上香吻紅唇,好溫馨!


藝人胡楓、排舞師Sunny Wong及製作人何麗全等到北角為2月10及11日假紅館舉行的演唱會排舞,胡楓帶領十數名女舞蹈員跳唱新歌《完全正能量》,拍照時又大擺靚甫士,充滿有活力!林憶蓮以特別嘉賓身份捧着生日蛋糕驚喜現身,為胡楓預祝1月18日的86歲生日搶閘慶祝,吻賀「壽星仔」,令胡楓非常感動,直言是最好的生日禮物。兩人擁抱後牽手傾偈,然後兩人更唱了幾句《玫瑰玫瑰我愛你》……

胡楓坦言只要勤力跳舞就沒難度,只是練舞有點疲倦,每日都練兩、三個小時:「除咗新歌,仲有《玫瑰玫瑰我愛你》,又有首3、4分鐘嘅Medley都要跳。」問是否唱熟新歌?他興奮地說:「你頭先聽到,係我把聲嚟!」而新歌是由周啟生寫,歌曲感謝觀眾多年來的愛戴。

上次差半個鞋位跌落台

提到舞蹈員全是女生,胡楓即笑說很開心,表示是Sunny的意思,又透露仍未記熟台上機關位置:「記得上次全靠萬幾觀眾大叫提我,我唔知點解又咁叻停到,其實着半個鞋位就跣咗落去,台下Standby嗰個係憶蓮,林子祥之後就出嚟話我唔小心。」

胡楓指初時並不害怕,事後講起發現很危險就驚,今次會記熟台上情況:「我有個壞習慣,講嘢一路行一路企,企咗去升降台側邊都唔知,不過今次唔會喇!」提到2月8及9日踩台練習,他表示最重要沒有差錯。

志偉為做嘉賓延期拍戲

嘉賓方面,胡楓自言不清楚,拉何麗全過來解畫:「好多嘉賓,胡楓已經埋怨緊要Cut佢啲歌。」他透露最感動是正在拍戲的曾志偉主動提出做尾場嘉賓,更特別把2月的戲改到3月補拍:「另外有啲嘉賓本來話唔得,依家都度緊期,要慶祝胡楓今年破紀錄,張達明、吳鎮宇、陳欣健,仲有啲小生同EYT藝員會嚟,不過想畀驚喜胡楓,唔講太多,個台會夠100人上晒台。有3個本來話自己演唱會太近,依家都話嚟。」

福祿壽自己開騷都要嚟

胡楓即用口形說「福祿壽」:「搞到我唱兩首歌就算,真係破紀錄演唱會。(好好賺?)係呀,佢(何麗全)帶挈囉。仲有個好特別嘅嘉賓羅蘭,佢上嚟嚇我!」說到胡楓這次可以四代同堂,他笑說:「嗰幾個𡃁仔唔知眼唔眼瞓!」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!