掃呢頁CODE去手機

2018年1月25日 星期四

棄洋行經理高薪追夢 __,

■黃百鳴當年做洋行月入過萬,但最後轉行全力追尋電影夢。黃百鳴當年本打洋行工,輕鬆月入過萬,而無綫當時最高監製人工亦只是一千元。黃百鳴轉投電影業,絕對是 ...




黃百鳴當年本打洋行工,輕鬆月入過萬,而無綫當時最高監製人工亦只是一千元。黃百鳴轉投電影業,絕對是「有自唔在攞苦嚟辛」,但亦造就了新藝城成立。

轉行原因源於小時夢想,黃百鳴說:「自細有個夢想做電影,個夢好遙遠,17歲就要做嘢,屋企一家八口我係最大嗰個,屋企環境又唔係咁好。」無心插柳成為洋行經理,晚上去圓夢做文青、排話劇,因而認識一班無綫人,可以在無綫《民間傳奇》客串。



成立新藝城

夢越滾越大,黃百鳴拍過第一部電影《漩渦》後,碰上真命天子麥嘉和石天,拍了一系列賺錢電影,開始醞釀新公司成立。他透露適逢當時金公主院線不甘居於邵氏、嘉禾之下,決定大搞,「嗰時金公主被叫做『玻璃線』,排唔到嗰兩條大線咪排佢囉,即係最弱院線。當時班老闆心有不甘覺得自己有戲院又有錢,點解拍唔到好嘅電影,所以搵咗我哋三個,喺80年成立新藝城電影公司。」之後新藝城電影所向披靡,單是82年的《最佳拍檔》,已破盡香港票房紀錄。




鍾意就快D Share啦!