掃呢頁CODE去手機

2018年1月7日 星期日

學家姐曹敏莉做幸福人妻曹敏寶閃嫁科學家「有仔趁嫩生」 __,曹敏寶,曹敏莉,敏莉,

■曹敏寶與Albert已經訂婚,並將於今年4月結婚。互聯網圖片前港姐冠軍曹敏莉妹妹、現年31歲曹敏寶一直在娛樂圈載浮載沉,日前她在社交網站宣佈跟科學家 ...




前港姐冠軍曹敏莉妹妹、現年31歲曹敏寶一直在娛樂圈載浮載沉,日前她在社交網站宣佈跟科學家男友訂婚,並訂於4月共諧連理,跟隨家姐腳步做幸福人妻。自言年紀不輕的曹敏寶已計劃婚後不設防,表示「有仔趁嫩生」,她強調從未想過放棄娛樂事業,婚後會繼續唱歌。

曹敏莉(Mandy)10年與坐擁半億身家的圈外男友張家傑結婚,婚後生了兩子一女,專心相夫教子,大女逸晴現在已經6歲。反而Mandy的妹妹曹敏寶仍然醉心娛樂圈事業,不過日前她在facebook宣佈與圈外男友訂婚,並計劃今年4月拉埋天窗,前港姐好友周美欣將會擔任伴娘。

曹敏寶前日接受本報電話訪問,她透露未婚夫叫Albert Lam,是一名科學家,她笑着說:「Albert之前喺港大教書,近年創立自己公司搞科研,即係人工智能嗰啲嘢。」她直言兩人拍拖未夠一年就計劃結婚,又大讚準夫婿優點是書卷氣息重,她說:「優點同缺點都係比較專注同文靜,細個會覺得悶,但𠵱家就覺得好好,想組織家庭就要搵穩重啲,時間好重要,現在大家想法都一致。」



■曹敏寶在03年曾參加過Cookies的選拔賽,差點成為餅碎之一。資料圖片 ■曹敏寶做過主持及出發燒碟,婚後亦不會退出演藝圈。資料圖片 ■曹敏寶還將可愛的結婚公仔預先放在Ig。
■曹敏寶與Albert兩人打算婚後不設防,直言有仔趁嫰生。互聯網圖片

繼續演藝事業

今年3月就32歲的曹敏寶直言婚後會不設防,她笑笑口說:「有仔趁嫩生嘛,而且我都唔細,佢(Albert)叫我𠵱家就生㖭,但我唔制,阿媽同家姐陀BB都會勁嘔,媽咪都叫我唔好搞,費事嘔住結婚。不過最開心唔係媽咪,係婆婆開心啲,我係孻女,原本都擔心我做老姑婆。」她透露婚後會繼續娛樂圈發展,除唱歌外,稍後會參與電影工作,她說:「當然唔會退出啦,同埋呢行都冇話退唔退出,工作都係要睇緣份。」

周美欣昨日接受電話訪問時透露已看過伴娘服,顏色是粉紅及灰兩色,她說:「唔算好性感,而新娘婚紗比較古典,上身會係維多利亞式宮廷款,係長袖加少少低胸。」黎諾懿的太太李潔瑩到時亦會做姊妹團。



撞破求婚驚喜

周美欣笑言曹敏寶講求婚當日發生了小插曲,她說:「嗰日Albert喺屋企佈置求婚場地,諗住製造驚喜,所以Albert叫佢唔好返屋企住。曹敏寶唔知乜嘢事,令佢有啲扭計,仲即刻返屋企,嗰時Albert都未搞好,但都已經好驚喜。」周美欣笑言因為曹敏寶「撞破」好事,所以跪地求婚也是後補進行。

採訪:嵐山、何永寧



■曹敏寶為家中孻女,甚得父母及姊姊鍾愛。互聯網圖片 ■周美欣(右)將擔任曹敏寶婚禮的伴娘。互聯網圖片 ■訂婚派對有不少朋友出席,恭賀曹敏寶及Albert。

鍾意就快D Share啦!