2018年1月12日 星期五

拍拖貼地搭港鐵咪神張秀文孖男友 甜蜜蜜搵食 __,港鐵,張秀文,

■「咪神」張秀文情歸前經理人仇耀斌,且感情甚佳。資料圖片【爆相爆片】擁34D上圍的「咪神」張秀文憑港姐亞軍名銜殺入娛樂圈,前年被爆跟前經理人仇耀斌(V ...




【爆相爆片】擁34D上圍的「咪神」張秀文憑港姐亞軍名銜殺入娛樂圈,前年被爆跟前經理人仇耀斌(Victor)同居試愛,戀情曝光後受到無綫施橫手打壓,經理人男友被調走了,之後Victor更離開無綫另謀出路;雖然兩人工作上已沒關係,但感情就似乎更如膠似漆,日前兩人孖咇覓食,被讀者李小姐透過《蘋果》「爆相爆片」分享。



【放棄等位】

■張秀文日前與男友在餐廳外等位,因太多人而轉搭港鐵走人(右圖)。讀者提供圖片
【耐心等候】

讀者提供圖片

幫手拿公仔

李小姐表示當日晚上約7時許,在將軍澳新都城見到兩人拍拖行街:「見到張秀文拎住個公仔,佢喺度周圍搵嘢食,之後佢去一間專門食吉列嘢嘅餐廳等位,冇耐就見到有一個光頭嘅男人出現,仲好自然咁幫佢拎住個公仔,唔知係咪我望得佢哋太多,佢哋行咗去酒樓睇吓有冇位,不過因為超多人,所以最後佢哋去搭港鐵走人,臨入閘嗰陣,張秀文搵咗好耐先摷到張八達通,嗰個男人等埋一齊先入閘。」李小姐指兩人沒親暱表現,但不停密密傾,等港鐵時才站得較近。

從相片所見,光頭男就是前經理人Victor,張秀文雖然想低調戀情,但有時會忍不住在網上暗交,最近Victor養了柴犬取名太郎,兩人分別在社交網貼相,張秀文更貼攬太郎的相片並留言:「一返屋企就攬實,係咪好愛你先。」日前更自稱「媽媽」抱太郎祝fans新年快樂:「高過媽媽,衰仔好重。」



【笑得燦爛】

■候車時,張秀文和仇耀斌站得更近,並有講有笑。讀者提供圖片
■張秀文比仇耀斌細14年,前年被爆同居試愛。互聯網圖片

男友曾破產

Victor比張秀文大14年,之前曾有破產紀錄,又曾因涉管有危險藥物而惹上官非,但張秀文卻對他不離不棄,力撐每人都有過去,年前網上流出Victor操刀為她拍攝性感相,證明兩人感情經得起考驗。

採訪:唐心悠




鍾意就快D Share啦!
Related Posts Plugin for WordPress, Blogger...