2018年1月11日 星期四

惠英紅諗住開課程教戲 邊個舉手報名先? __,惠英紅,

Cherry嘅眼神流露出愛慕!影星惠英紅、顏卓靈(Cherry)和韓國男星李廷鎮在尖沙咀出席「第十二屆亞洲電影大獎」名單公布記者會,其中惠英紅更獲宣布 ...


Cherry嘅眼神流露出愛慕!


影星惠英紅、顏卓靈(Cherry)和韓國男星李廷鎮在尖沙咀出席「第十二屆亞洲電影大獎」名單公布記者會,其中惠英紅更獲宣布奪得「卓越亞洲電影人大獎」,而獎項會於頒獎典禮當晚正式頒發。她在台上指自己其實好緊張:「因為當之有愧,覺得自己可以做得更好,唔想辜負呢個獎。」又指自己日後會在演藝傳承、培育上多出力量。

培育新血

訪問時,惠英紅就指自己好開心可以獲獎:「上星期已經知,嗰時得仲問係咪老人獎嚟,我好後生咋喎,講笑啫!其實我自己覺得好榮幸。(點慶祝?)都要工作,可能喺屋企食餐飯,我宅女嚟!」提到她想培育新血,她坦言一直以來都有人叫她開Talk,但總覺得自己未到這個位置,擔心會誤人子弟:「不過我經常都會同人私下傾,所以都會好好諗個課程,希望幫到其他演員。」身旁的顏卓靈聽完這句後立即舉手搶住話要第一個報名,惠英紅就即謂沒有問題:「其實唔止新人會問我意思,舊拍檔都有嘅,我亦都會問黃秋生,其實黃秋生、古天樂都不時叫我開班。」

仲有團火

而擔任「學生大使」的Cherry就指大學副修電影電視:「其實我同啲學生嘅身份、年齡都好相近,諗嘅嘢都接近,只係多幾年工作經驗,所以大家傾偈都仲有團火,可以一齊交流唔會畀人問到口啞啞。」至於另一位「學生大使」李廷鎮被爆與9Muses前成員E U Erine拍拖多月,其事務所亦承認戀情,不過李廷鎮就指今日只談電影,不接受有關感情事的訪問。

---------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...