2018年1月9日 星期二

祖藍生日!鹿晗關曉彤高調合體搶晒風頭 __,祖藍,鹿晗,關曉彤,王祖藍,

一眾「跑男」成員拍片向今日生日嘅王祖藍(左下)賀壽,不過就畀鹿晗關曉彤搶晒風頭!藝人王祖藍今日38歲生日,同佢合作拍攝大陸綜藝節目《奔跑吧兄弟》嘅一眾 ...


一眾「跑男」成員拍片向今日生日嘅王祖藍(左下)賀壽,不過就畀鹿晗關曉彤搶晒風頭!


藝人王祖藍今日38歲生日,同佢合作拍攝大陸綜藝節目《奔跑吧兄弟》嘅一眾成員拍片為佢賀壽,片中除咗見到Angelababy同老公黃曉明,仲有首次咁公開合體嘅鹿晗同女友關曉彤添,鹿晗嘅一句說話仲引嚟粉絲瘋狂留言呀!

今日凌晨鄧超喺微博上載咗段片,見到鄧超、鄭愷等人,而Baby同鹿晗都攜眷出席「跑男」聚會,佢哋都祝祖藍生日快樂同早生貴子,鹿晗仲突然爆出一句:「哎呀嘛,咔咔的!」眾人即時哄堂大笑,企喺男友身邊嘅關曉彤冧爆望住對方,仲怕醜掩嘴傻笑!究竟呢句說話點解?其實係當時鹿晗喺微博公開戀情後,關曉彤就回覆咗呢句說話,嗰時微博更一度癱瘓,仲成為大陸潮語添!

呢條片即時喺微博瘋傳,有網民留言:「鹿晗…帶上了…關曉彤…去聚會」、「有關曉彤真的是無感了」,不過有人反對自然有人支持,有粉絲就話:「那些說帶關曉彤的,不帶關曉彤難道帶你嗎?」而同場嘅曉明就Sweet爆搭住Baby膊頭,不過都被鹿晗同關曉彤呢個公開高調合體搶去風頭!

而生日嘅祖藍就回覆鄧超:「謝謝兄弟們的祝福,孩子這件事上我咔咔的加緊腳步,不辜負催生團對我的期望!」祖藍老婆李亞男都喺微博祝老公生日快樂!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...