掃呢頁CODE去手機

2018年1月28日 星期日

索爆黃家姊妹帶媽咪浸溫泉 心穎被撇狂呻 __,心穎,黃心穎,

黃家三朵金花帶咗媽咪去日本旅行,係得黃心穎(右下)冇份去呀陰功豬!無綫小花黃心穎有3個家姐心妙、心美同心慧,加埋黃媽媽一屋五條Queen,真係非常熱鬧 ...


黃家三朵金花帶咗媽咪去日本旅行,係得黃心穎(右下)冇份去呀陰功豬!


無綫小花黃心穎有3個家姐心妙、心美同心慧,加埋黃媽媽一屋五條Queen,真係非常熱鬧!一向感情好好嘅佢哋,不時都會一齊食飯行街,不過最近心穎竟然被撇甩,三個家姐帶咗媽咪去日本旅行,仲去咗箱根浸溫泉,搞到心穎BB喺社交網大晒:「冇我份!」

二家姐心妙就喺Instagram上載咗四大美人浸溫泉相,留言:「如果有日阿媽公開保持童顏的秘密㊙️ 我一定第一時間同大家分享😌❤️」仲Tag住「大家唔好問我邊個係阿媽」、「新四朵金花」,相中嘅佢哋笑得非常燦爛,而重點就落咗喺黃媽媽身上,唔少網民都話黃媽媽Keep得好好又後生,大讚成家都咁靚!而心美都有上載獨照大晒玉背,見佢自己一個獨霸成個池真係非常歎!

被遺忘嘅心穎做乜好呢?佢就性感扮哈利波特,大晒事業線娛人娛己!之後佢仲上載咗四格自拍相,酸爆咁話:「我家d(啲)女人今日去旅行!話說、又無(冇)我份!不過聽講佢地(哋)落錯車、迷路。。。唉、無(冇)我、係咁㗎喇!」有網民就笑言:「你似幸災樂禍多啲喎!」又叫佢下次同男友馬國明去咪得囉!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!