2018年1月9日 星期二

【回家途中嘈交】陸永嫂訓練囡囡懂事:大家以後唔好再見啦! __,陸永,

有啲人分開先知對方係最好,有時感情同親情要到失去,領會才更深,原來呢一招都可以用喺教導小朋友嘅身上!「陸永嫂」陳莉娜(Reina)婚後生咗兩個活潑嘅囡 ...




有啲人分開先知對方係最好,有時感情同親情要到失去,領會才更深,原來呢一招都可以用喺教導小朋友嘅身上!「陸永嫂」陳莉娜(Reina)婚後生咗兩個活潑嘅囡囡陸一穎(Hannah)同陸一心(Simsim),雖然Reina早前不幸小產,不過佢同陸永都好樂觀,走出小產陰霾(新聞連結:http://bit.ly/2CUeC0e)。

Reina近日喺IG分享一個「教女心得」,話兩個囡囡喺回家途中嘈交,Reina以冇鬧冇惡嘅語氣,同兩個囡囡講:「如果你哋都唔鍾意大家,食埋呢餐之後,你哋就去執行李一個去婆婆屋企住,一個去嫲嫲屋企住,大家以後唔好再見你哋商量吓去邊個度住,我轉頭落嚟話我知!」Reina講完兩姊妹喊到攬埋一嚿,Reina稱睇番條片都想喊,其實兩姊妹係好愛對方。

今日Reina終於貼咗兩姊妹傾偈片,更解釋點解自己會咁做,事緣當日Reina落雨揸車睇路已經好辛苦,由中環到東隧,Hannah同Simsim喺後座不停嘈,不停投訴,雞蛋裡挑骨頭,出咗東隧之後,「好啦,你哋咁唔鍾意大家,一個搬去嫲嫲屋企住,一個搬去婆婆屋企住,以後唔好見啦」,Reina返到屋企叫佢哋商量好,食埋pizza就自己執行李,再車走佢哋,Reina就上咗房,喺房聽到佢哋喊住傾偈,但唔知佢哋講乜,呢條片係叫Maria收埋電話錄低,事後先發現感人嘅呢一幕,片中見Hannah先講:「我會唔捨得你,你係最得意。」而Simsim都話會好掛住家姐,但係媽咪話呢,「你去婆婆屋企,我去嫲嫲屋企瞓,媽咪呢,話我哋以後冇得鬧交囉」,Hannah承諾:「我哋唔鬧交,仲做番好,好嘅妹妹,我做番好嘅家姐。」Simsim同家姐講:「我真係好想你陪我玩painting!」最後Hannah走上前,攬一攬細妹,一齊喊。

唔少網民都覺得「陸永嫂」Reina冇做錯,可以訓練小朋友懂事,不過有網民就話:「傷心都係食住pizza喊。」


鍾意就快D Share啦!
Related Posts Plugin for WordPress, Blogger...