2018年1月1日 星期一

叱咤:再下一城!克勤首奪男歌手金獎 __,克勤,李克勤,

克勤自比奇連伊士活(圓圖)!叱咤頒到男歌手獎,金獎由李克勤奪得,佢第一次奪得男歌手金獎,繼奪得至尊歌曲大獎後,再下一城!克勤台上表示:「如果用奧斯頒獎 ...


克勤自比奇連伊士活(圓圖)!


叱咤頒到男歌手獎,金獎由李克勤奪得,佢第一次奪得男歌手金獎,繼奪得至尊歌曲大獎後,再下一城!克勤台上表示:「如果用奧斯頒獎禮嚟比喻叱咤,有啲歌手係年年提名,有啲係隔年就攞獎,好似梅麗史翠普,但我唔係,有好似里奧納度狄卡比奧,提名好多次先攞獎,我唔係傻嘅,我唔係里奧納度,我有自知之名,可能係奇連伊士活,唔記得佢有冇攞過,但呢個年紀搵到應該畀啲掌聲我,多謝舊公司,因為有計積分,多謝譚詠麟,相信你會為我高興。」

克勤講講下感動眼濕濕:「再多謝英皇楊生(楊受成),上上下下每個員工,係有上限而無限空間,畀自由空間畀我,咁唔通做隻碟千萬都畀咩。最後多謝歌迷,跟咗我幾十年啲女仔,啲女仔跟我仲耐過佢哋老公,我唔會愛你哋,但會珍你哋畀我嘅愛。而手上嘅叱咤獎項,李克勤自問攞獎之前或之後都唔能夠叱咤樂壇,因為我只想做大家嘅朋友,千祈唔好畀我帶有高傲嘅外型嚇倒,我內心係好感性。每年台下歌手攞唔到心入面攞嘅獎,依家李克勤都得,大家都要Keep住呢份希望。」

銀獎由陳柏宇奪得,上台前周柏豪幫佢整理件衫,佢領獎時表示同事同自己講上到台唔好表現得唔在乎,佢話:「我在乎,好在乎,在乎冇獎能唔能夠享受工作,其實係享受到。好多人都話陳柏宇冇野心,失敗嘅時候好似好唔介意咁,個答案係why would I need to be success,while I have everything in my life right now,我有個好靚嘅老婆,多謝我老婆囉,我有戴結婚戒指㗎!」

銅獎由側田奪得,佢話:「好開心收到呢個禮物,自己講嘢唔叻,所以有啲緊張。要好多謝我公司同埋團隊,我會繼續努力。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...