2018年1月6日 星期六

阿倫笑克勤大器晚成城城唔再爭獎 認樂壇已變 __,克勤,譚詠麟,阿倫,郭富城,城城,李克勤,

■城城前晚做港台十大中文金曲頒獎禮神秘嘉賓,演唱《唱這歌》展示招牌動作。一年一度樂壇頒獎禮,由前晚舉行的港台「第40屆十大中文金曲─我和你音樂會」作終 ...




一年一度樂壇頒獎禮,由前晚舉行的港台「第40屆十大中文金曲─我和你音樂會」作終結,前晚除有陳奕迅(Eason)驚喜現身捧獎,港台更請來譚詠麟及郭富城任嘉賓。推job撐港台的城城直言目前重心在電影,又首度開腔表示不會再參與頒獎禮爭獎,阿倫則以「大器晚成」形容今年掃走14.5個獎的克勤。

樂壇頒獎禮一年比一年遜色,商台及港台頒獎禮均出現「妹仔大過主人婆」情況,叱咤靠謝霆鋒、Eason首尾包抄做神秘嘉賓掀高潮,港台前晚舉行的「第40屆十大中文金曲」,則請到Eason現身捧獎,還有阿倫譚詠麟及十多年沒有現身頒獎禮的郭富城撐場,才令頒獎禮變得有生氣。

有指如今樂壇頒獎禮沒有巨星參與很失色,貴為天王的城城於頒獎禮後受訪時認為兩者無關:「唔關事,我哋唔參與都有一班新人參與,可能係時代轉變咗,呢個係一個事實,聽歌嘅渠道比以前寬好多,變相參與頒獎禮嘅市民比以前係唔同咗,成個時代嘅生活節奏唔同咗,唔可以用以前指標去懷緬以前係點樣,只可以展望將來,超越一個更加好嘅樂壇。」他又認為樂壇只要有好歌,便會永遠不死。



■城城(右)表示不會再參與頒獎禮爭獎,阿倫就笑克勤大器晚成。 ■貪玩的阿倫影相時模仿城城的舞步,非常搞笑。 【1993年】

■當年四大天王雄霸樂壇,克勤有幸殺入五強爭獎。

推Job現身表演

城城坦言今次是推job才能現身,他說:「經理人小美好明白,我哋係一個不忘初心嘅人。綵排時大會要求係保密,最開心見到以前打歌成日都會見到嘅DJ,當時做宣傳成日都見。」

不過,城城坦言以後不會參與頒獎禮:「雖然我冇official講,但咁多年見我唔再出席,其實都知發生乜事。我嘅重心係喺電影世界嘅時間比較多啲,以歌手嘅身份,就係我自己嘅演唱會、世界巡迴為中心,以前一年可能要出三張唱片,喺𠵱家嘅樂壇已經冇可能。」

講到城城在樂壇及影壇都奪得過最大的獎項,城城即說:「唔可以咁講,唔同嘅時間,應該訂立一個指標,譬如當你拎到一啲獎項,對你下一個目標,要求應該更加高,不斷進步同學習,闖出高峯。」



■陳奕迅(左)前晚從阿倫手上接過獎項。 ■今年四個樂壇頒獎禮由港台壓軸,在新一代歌手撐場下,最驚喜是陳奕迅出現領獎。

寄語新一代歌手

阿倫在台上被問到當年首次站在頒獎台唱歌的感覺,他說:「當時係諗將來,因為我係新人,但估唔到我個將來係咁長,同埋都幾好成績、幾輝煌。」他又寄語新一代歌手:「唔好諗咁多,做好今日嘅自己,先諗將來。」

講到克勤今年奪14.5個獎,阿倫笑一笑說:「大器晚成!我頭先喺後台廁所門口個更衣室頒咗個獎畀佢,因為喺廁所有大獎同細獎,一大獎一細獎頒咗畀佢啦,係真嘅,你哋唔信?」問阿倫可有叫克勤記得在更衣室拿走個獎?阿倫又搞笑地說:「試過一次漏咗,呢啲陳年往事仲記得,使唔使叫佢插旗?」

採訪:盧妹、馬建華

攝影:陳俊強、葉君海




鍾意就快D Share啦!
Related Posts Plugin for WordPress, Blogger...