2018年1月12日 星期五

【係情趣】朱千雪大讚男友着衫有品:我哋出街都會襯吓 __,千雪,朱千雪,

噚晚CHANEL「MademoisellePrive」展覽香港站喺中環舉行開幕派對,方大同同朱千雪都有出席。朱千雪話好鍾意去呢啲品牌活動,因為自己喺加 ...




噚晚CHANEL「Mademoiselle Prive」展覽香港站喺中環舉行開幕派對,方大同同朱千雪都有出席。

朱千雪話好鍾意去呢啲品牌活動,因為自己喺加拿大讀過法文,可以扮晒嘢識睇識解:「我願望係再讀好啲法文,去法國唔使要翻譯。」提到男友Justin Ng,問佢平日會唔會為對方襯衫?朱千雪就大讚男友有taste:「唔使幫佢襯都OK,有時我哋出街都會襯吓、扮吓靚,係情趣嚟。」至於佢會唔會畀啲衫男友審視下先?佢笑謂自己接受嘅性感程度仲低過男友:「台慶揀衫嗰啲會問下佢,多數佢OK我都會揀。」

至於方大同好耐冇喺香港出席活動,佢話最近推出咗專為小朋友而設嘅圖畫小說:「都用咗4年時間籌備,因為媽咪做開教育,我應承佢,到我有能力就幫佢重新做過。」方大同話自己寫故事同為故事作曲,仲專程邀請咗來自西班牙小島嘅畫家畫圖畫,o依家推出咗3本,計劃每年都會推出3本。



精選娛聞,喺晒《娛果》

http://fb.com/appledailyent

攝影:陳慧安 朱千雪話男友接受性感程度高過佢。 方大同

鍾意就快D Share啦!
Related Posts Plugin for WordPress, Blogger...