掃呢頁CODE去手機

2018年1月3日 星期三

拍拖五年冇嘢過手 吳千語嬲林峯唔送車樓 __,林峯,吳千語,千語,

就算林峯一度放低工作陪吳千語歐遊箍煲,又對外堅稱二人情侶關係不變,但到頭來吳千語都係堅決撇林峯,全因佢嬲同林峯拍拖5年以嚟,一直未有磚頭揸手。誇張啲講 ...




就算林峯一度放低工作陪吳千語歐遊箍煲,又對外堅稱二人情侶關係不變,但到頭來吳千語都係堅決撇林峯,全因佢嬲同林峯拍拖5年以嚟,一直未有磚頭揸手。

誇張啲講句,吳千語同林峯拍拖5年,食嘅住嘅買嘅用嘅,應該都係林峯嘅。林峯不時都會送名牌俾女友,令沙田屋邨妹出身嘅吳千語一身名牌。15年開始仲有大屋住,林峯豪擲六千幾萬買薄扶林嘉林閣單位做愛巢。愛屋及烏,林峯更花使9萬租屋安頓埋吳千語屋企人。林峯咁抵得諗,吳千語仲有咩唔滿意呢?咪就係做咗佢5年女人,莫講話無樓揸手,據聞就連想男友買部車送俾自己,林峯都只係講咗一句:「你都無車牌。」唔怪得之吳千語心淡兼埋下離心啦。

至於新歡Brian,雖然兩人關係尚未穩定,但吳千語想有車有樓揸手呢點上面,Brian嘅成功率點都大過已經無望嘅林峯,話晒Brian家族喺舂坎角有幾間超級大屋喎,資產億億聲都唔止喎。就算唔係舂坎角大屋,吳千語都可以冧Brian送其他吖嘛。

相關新聞:

【獨家】吳千語秘釣百億富三代 堅決撇林峯

http://bit.ly/2lE0e1w

【新歡vs.舊愛】林峯冇仇報痛失吳千語 輸俾鑽級情敵施伯雄

http://bit.ly/2A6gSen

【逝去感情如何留得住】 吳七愛變唔七愛

http://bit.ly/2CvSCYI



鍾意就快D Share啦!