掃呢頁CODE去手機

2018年1月4日 星期四

頒獎禮去足廿八年 50歲李克勤獲頒「樂壇關愛座 [壹週刊 - 1452] __,克勤,李克勤,M1,

克勤今年出道三十年,講到明要橫掃頒獎禮。探熱針頒獎禮去足廿八年50歲李克勤獲頒「樂壇關愛座今年的樂壇頒獎禮真係慘不忍睹,在上星期六晚TVB舉行的《勁歌 ...






克勤今年出道三十年,講到明要橫掃頒獎禮。

探熱針

頒獎禮去足廿八年 50歲李克勤獲頒「樂壇關愛座

今年的樂壇頒獎禮真係慘不忍睹,在上星期六晚 TVB舉行的《勁歌》頒獎禮,全部「星夢」自己友同劇集歌玩晒,唯一係得李克勤一個唔係「星夢」歌手可以奪得大獎「最受歡迎歌手」。

不過無計啦,克勤叔叔今年加入樂壇三十年,難得佢仲恨爭獎,唔介意同班小朋友一齊玩,一班樂壇後輩當然願意讓出「關愛座」俾克勤坐







結果在沒有同輩對手下,佢輕易攞獎。





入行三十年,克勤首次攞到叱咤男歌手金獎同至尊歌曲。





玩了廿八年頒獎禮的克勤,經歷過四大天王年代,又同 Eason基仔爭過。





現在就同胡鴻鈞、周柏豪並列。

真係咁恨獎?

李克勤今年五十歲,加入樂壇剛剛三十年,正當同輩歌手陳奕迅、容祖兒都唔再出席頒獎禮攞獎時,李克勤竟然仲要講明會出席晒四個頒獎禮,在《勁歌》頒獎禮上,他連掃四個獎,兩首金曲、「金曲金獎」及「最歡迎歌」獎,以資歷計,克勤當然受之無愧,但係見到企喺隔籬的五強,唔再係以前的四大天王,或者是全盛時期的陳奕迅同古巨基,而係胡鴻鈞、周柏豪、鄭俊弘及菊梓喬,四個人的年資加埋都唔夠他的三十年多,難怪被網民留言喪笑,又封他做「樂壇關愛座」。

數數手指,原來克勤由八九年開始就喺頒獎禮上開始攞獎,第一個金曲獎係《一生不變》,之後無間斷出席樂壇頒獎禮,玩足廿八年,經歷幾個朝代都未厭,比起陳奕迅二十年,容祖兒十七年及劉德華十六年,克勤真係好鍾意攞獎。





克勤《勁歌》攞獎當晚, Facebook同討論區都被洗版。

自己友玩晒

近年《勁歌》頒獎禮都預了是「星夢」頒獎禮,全晚頒了三十八個獎,「星夢」佔了十五個,其中胡鴻鈞奪三獎,及菊梓喬奪四獎,一哥周柏豪全年只得《天網》一首歌,同埋譚嘉儀首《陪着你走》都要一晚唱兩次,而坤哥雖然都是 TVB親生仔(經理人合約),但唔係星夢自己友,所以只得一點五個獎,連入「最受歡迎歌手」五強都無資格。





《勁歌》頒獎禮不如索性叫做「星夢」頒獎禮仲好





坤哥係親生仔,但唔屬「星夢」,所以只分到豬肉獎。





《陪着你走》都可以一晚唱兩次,受到特別優待。

要靠外援

由於今年大部分一線當紅歌星,都唔出席頒獎禮,所以電視台同電台都要搵外援幫手,由於今年叱咤三十年,所以大條道理搵陳奕迅做表演嘉賓,但最驚喜就係連謝霆鋒都請得郁,仲要唱番佢當年 MK rock經典《活着 VIVA》,真係不得了。

而 TVB都有搵外援,叫咗五個小花黃心穎、馮盈盈、張寶儀、蔡思貝同邵佩詩扮偽韓女團,著晒短褲扭晒籮,仲大陣仗到拍埋個重本 MV,但出嚟效果,俾人笑多過俾人讚。





五個小花又唱又跳扮韓國女團,可惜連「咪嘴」都唔識, hea到爆!





Eason今年都唔攞獎,但都俾面叱咤,做表演嘉賓。





謝霆鋒好多年都冇參加樂壇頒獎禮,今次俾面幫商台手撐場。

撰文、攝影:娛樂組


鍾意就快D Share啦!