掃呢頁CODE去手機

2018年1月29日 星期一

楊張新悅:老公唔安全!楊張新悅意外佗第4胎唔開心 __,張新悅,

媽媽真係偉大!名媛楊張新悅接受東網電話訪問,她表示已懷孕三個幾月,未知仔定女,又謂最重要身體健康。她直言本身想低調,但發現自己又肥又肚凸凸,出街時旁人 ...


媽媽真係偉大!


名媛楊張新悅接受東網電話訪問,她表示已懷孕三個幾月,未知仔定女,又謂最重要身體健康。她直言本身想低調,但發現自己又肥又肚凸凸,出街時旁人又眼望望,所以接受不了而在社交網親自宣布喜訊。講到再次做媽媽,楊張新悅坦言想用一個輕鬆角度表達,所以用自己首舊歌再重新填詞,並配以《一不小心2018大肚婆》做歌名,把這首歌送畀所有大肚婆同媽媽,希望大家有共鳴。

畀老公「呃」

楊張新悅說:「小朋友又可以參與,我負責唱,一齊拍MV咁。(點解話老公呃你?)哎呀,一向都係佢負責安全措施,我對藥物敏感,唔食藥(避孕),證明佢嘅措施都唔安全。」她透露本身知道再次懷孕的消息時好唔開心,但都要接受:「我有煩惱,因為係我生同我湊,大家都係拍拍籮柚就走,我諗住甩身,因為我鍾意做嘢,係事業女性,想重出江湖,但個天覺得我應該留喺屋企湊仔。」

十年來湊女犧牲大

楊張新悅直言製作這個MV是有感而發作,因為當她知道再次懷孕時就有好多靈感:「你試吓生第4個,我用咗十年時間由懷孕到湊仔,最大嗰個9歲,細嗰個3歲幾,我嘅人生喺呢十年係照顧BB,又冇得玩,食嘢又畀人話,病又唔敢食藥,咖啡又唔飲得,生完又擔心BB會病,餵奶餵到胸痛,呢啲片段不斷浮現,所以大肚婆同媽媽會有共鳴。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!