掃呢頁CODE去手機

2018年1月10日 星期三

【多圖】30歲江若琳公佈婚訊 「生煎包王子」Oscar:過程不斷有穿崩位 __,Oscar,江若琳,蕭潤邦,

步入三字頭,遇上心儀對象,又到適婚年齡,當兩個人感情穩定,自然就會plan結婚,組織幸福家庭。30歲江若琳(Elanne)去年4月公開戀情,同前組合B ...




步入三字頭,遇上心儀對象,又到適婚年齡,當兩個人感情穩定,自然就會plan結婚,組織幸福家庭。

30歲江若琳(Elanne)去年4月公開戀情,同前組合Bliss成員兼「生煎包王子」蕭潤邦(Oscar),10年友情升格為愛情,今日Oscar係37歲生日,凌晨貼出二人合照,跟手Oscar首先喺IG公佈婚訊。

原來Oscar去年已經向江若琳求婚成功,江若琳手戴巨型訂婚鑽戒,今日先喺IG貼相,並寫下愛的宣言:「我今年30+7,今年的生日禮物非常特別,是一個壞蘋果,一個將會永遠被寵壞的蘋果!求婚成功,蘋果I Do咗,所有愛她的家人及朋友們,請放心,我會永遠用心地支持她,保護她,讓她不必再當女漢子,讓她當我好內子!以後有歌你唱,有包我煎,有包食包,有飯食飯,有福同享,有難我擋!各位!不好意思!準備收紅色炸彈吧!」

江若琳接受《蘋果》訪問時,多謝祝福,佢話當時好開心,因為完全唔知情下,Oscar籌備求婚party,佢笑住講:「呢個係年尾發生嘅事,佢(Oscar)搵晒我所有嘅好朋友,飛晒去一個地方,喺嗰個地方包咗一個場,佢就求婚,當然有好感動,我喊到,連佢都叫我唔好喊到咁,唔講以為你失戀,哈哈!係同你求婚呀,唔係飛咗你,所以o依家都係好夢幻當中,但係都會開始計劃會喺邊度擺酒。」

江若琳同Oscar傾過喺香港擺酒、構思緊係一個點樣嘅婚禮,想同一班睇住佢哋長大嘅朋友分享喜悅。

準新郎Oscar稱求婚計劃籌備咗一個月,被問會唔會太快結婚,Oscar認為唔算好快,因為大家都識咗10年,已經遲咗一齊,如果早啲,就可以早啲快樂,佢就話:「想要一個婚禮可以叫晒所有朋友一齊聚吓,喺香港搵地方係難,好似未出世嘅BB就要搵定幼稚園咁,目前仲搵緊,希望盡快可以搵到。」

Oscar笑言求婚過程不斷有穿崩位,見到女友不時有懷疑:「因為我有叫埋佢啲朋友幫手,我又唔覺意開咗speaker,啲friend爆咗出嚟,所以即刻熄咗聲佢,都真係好驚險嘅。」至於Oscar同江若琳都鍾意小朋友,講明婚後會生B。

兩人同係07年樂壇新人,Oscar係前音樂組合Bliss成員,可謂識於微時,雖然相識十年,但一直兄弟相稱,互相扶持,江若琳近年畀受合約糾紛騰折,Oscar默默支持,單身嘅佢哋去年撻着,去年4月喺Instagram公佈戀情,齊齊貼蜜照放閃。


鍾意就快D Share啦!