掃呢頁CODE去手機

2018年1月25日 星期四

黃長興投資 3百萬開分店雷頌德友情價設計餐廳 [壹週刊 - 1455] __,黃長興,雷頌德,M1,

10年在天后開設法國餐廳的黃長興,8年後於尖沙咀與友人合資3百萬開分店。探熱針黃長興投資3百萬開分店雷頌德友情價設計餐廳黃長興的第二家法國餐廳在尖沙咀 ...






10年在天后開設法國餐廳的黃長興, 8年後於尖沙咀與友人合資 3百萬開分店。

探熱針

黃長興投資 3百萬開分店雷頌德友情價設計餐廳

黃長興的第二家法國餐廳在尖沙咀開分店,開張當日由拉 banner到入廚房準備小食招待賓客,全程落手落腳打點,還照足中國傳統派開工利是俾員工。黃長興同朋友合資三百萬開分店,好友雷頌德早前為他的三輪電單車扮靚,設計大變身,今次亦以友情價幫手設計餐廳,認真唔話得!







雷頌德沒有賣弄花巧,餐廳以簡約設計為主,六角形圖案地板,加上帶點懷舊的花磚牆,配上吊燈及湖水藍的櫈。





感覺很舒服。

不會常落鋪幫手

一○年,黃長興於天后創業,開設 A La Maison法國餐廳。到今年再於尖沙咀開設分店,他表示不會像以往一樣,經常落鋪打點。「需要八年時間先可以開第二間,因為第一間已經上咗軌道,呢間一定要擺好多時間,但我認為自己今次喺呢間餐廳嘅角色,唔會咁親力親為,因為喺電視圈工作多咗,所以今次有拍檔,我覺得咁樣嘅合作模式幾好,因為佢哋可以幫手,而我又可以擔任顧問角色,作餐廳生招牌,會多啲時間做自己嘢。」





黃長興的大女 Paige今年三歲半,兒子 Tristan一歲半,兩公婆經常帶仔女四圍去玩,一家四口好幸福。





雖然是老闆,但開張當日整小食招呼賓客,黃長興都落手落腳幫手。





拉 banner。

設計三輪電單車

分店的設計有別於第一間餐廳,六角形圖案地板,加上帶點懷舊的花磚牆,簡單的吊燈不花巧,配上湖水藍的櫈,感覺很舒服,黃長興指一切都是雷頌德的功勞,因為是他負責餐廳的設計。據知,今次雷頌德是以友情價幫拖。「同 Mark識咗一段時間,佢除咗作曲好叻,我知道佢都有做啲關於設計嘅嘢,我曾經有一架電單車,都係佢幫我設計,將成架三輪電單車噴晒我鍾意嘅顏色,最後出嚟效果真係好靚。我覺得電單車都已經整得咁靚,而喺餐廳設計嘅概念、色調都會有好多唔同 idea,要花好多時間,所以就將呢個任務交俾 Mark,餐廳又可以多一個賣點。」黃長興說。





黃長興與雷頌德因玩電單車而認識。





早前雷頌德更為他的三輪電單車大變身。

轉部頭被重視

黃長興近年與無綫轉為部頭合約,反而演出機會比以往多,角色亦比以前重。新一年剛開始,又有代言人工作,幕前事業有起色。「餐廳開支唔平,好彩有次做咗個廚具品牌活動,對方老闆見到我比上鏡吸引,又識煮嘢刀功又唔錯,就建議提供品牌廚具俾我哋餐廳,對方更邀請我擔任代言人,二○一八真係好好。」





在法國住了多年的黃長興,照足中國傳統,派開工利是給員工,攞個好意頭。





早前,黃長興為廚具品牌出席活動,因煮得又睇得,所以被廚具品牌老闆睇中,邀他任產品代言及贊助他的分店用的廚具。

撰文、攝影:娛樂組 


鍾意就快D Share啦!