2018年1月11日 星期四

嘴嘴放閃,韋家雄拍拖一個月:希望求婚佢唔拒絕我 [壹週刊 - 1453] __,M1,

探熱針嘴嘴放閃,韋家雄拍拖一個月:希望求婚佢唔拒絕我52歲的韋家雄,經歷過一段失敗的婚姻,與前妻育有一名現年約廿歲的兒子。甚少公開戀情的他,踏入201 ...






探熱針

嘴嘴放閃,韋家雄拍拖一個月:希望求婚佢唔拒絕我

52歲的韋家雄,經歷過一段失敗的婚姻,與前妻育有一名現年約廿歲的兒子。甚少公開戀情的他,踏入 2018年激罕地與拍拖只有一個月的圈外女友在 Fb放閃。火速向對方派定心丸,只因年過半百的他,終於搵啱對象:「希望將來求婚,佢唔拒絕我。」

圈外女友 Keynes

踏入 2018,他即在 fb激罕 post嘴相,將新戀情公告天下。







閃光蛋一出,圈中好友如林子善、江嘉敏、崔建邦及林淑敏紛紛留言恭喜他。

鎖定結婚對象

結過婚,又曾跟圈中人陳嘉嘉拍拖三年,前度跟他分手半年即嫁日籍男友,鋪鋪傷的韋家雄,曾形容自己是感情失敗者。不過三年冇發市,踏入二○一八他即報喜,在 facebook公開兩張同拍拖個多月的圈外新歡 Keynes的甜蜜嘴相。圈中好友林子善、崔建邦、李漫芬及江嘉敏見韋家雄有着落,即紛紛留言恭喜。

激罕放閃,只因年過半百的他,興奮終於搵到 Miss Right。他說:「一月一日係一個好嘅新開始,所以就公開大家。我三年冇拍過拖,呢個女朋友係經圈中朋友李啟傑介紹,感情雖剛剛開始,但彼此都覺得好夾,係適合嘅對象,緣分就係咁令我哋走埋一齊。」韋家雄說。

他在 facebook公開戀情,女友亦已帶他見家長,融入家中。熱戀的韋家雄說, Keynes令他有再婚的打算。「係有諗過(結婚),希望佢係我結婚對象,將來求婚佢唔拒絕我的話,就喺埋一齊。」恨再成家立室的韋家雄,等你好消息。







雖然拍拖只有個多月,韋家雄已認定 Keynes是對象。





韋家雄公開戀情,女友亦把他融入家中,帶他探嫲嫲。





得黃秋生點醒, 15年他憑《梟雄》贏台慶男配角獎。





曾與圈中人陳嘉嘉拍拖三年,但最後都係分手收場,他曾以失敗者形容自己的感情生活。

唔靠阿哥綠葉王韋家雄係 Boss

入行 28年的韋家雄,雖胞兄是著名導演及編劇韋家輝,但他一直靠自己在圈中打拼,故當日由亞視跳去無綫,均是由二打六做起,當年在長壽處境劇《真情》,憑「大力」一角冒出頭,之後繼續以配角身份在大台默默耕耘。 15年他憑《梟雄》贏得男配角。

雖是大台綠葉王,但上進的他是老闆一名。 14年開設後期製作, 15年內地劇《無心法師》的電腦特技,是出於他公司的作品。近年他又拍住楊明賣自家品牌眼鏡 Woo Sunglasses,蕭正楠、田蕊妮都是他品牌的捧場客,如今感情有埋着落,愛情事業兩得意。







他與楊明合資的自家品牌眼鏡。





唔少圈中人如田蕊妮、蕭正楠、曹永廉等都是他的捧場客。







胞兄韋家輝





早前在《降魔的》演「嘟嘟 Sir」,網民大讚。

撰文、攝影:娛樂組


鍾意就快D Share啦!
Related Posts Plugin for WordPress, Blogger...