2018年1月11日 星期四

「爆粗女神」夠貼地,張曦雯陪混血男玩飛機 [壹週刊 - 1453] __,張曦雯,女神,M1,

作為打機女神,Kelly搵來混血型男教路玩航拍,二人搞足半粒鐘終於起機成功。探熱針「爆粗女神」夠貼地,張曦雯陪混血男玩飛機27歲前華姐冠軍張曦雯(Ke ...






作為打機女神, Kelly搵來混血型男教路玩航拍,二人搞足半粒鐘終於起機成功。

探熱針

「爆粗女神」夠貼地,張曦雯陪混血男玩飛機

27歲前華姐冠軍張曦雯( Kelly)早前因直播素顏爆粗打機,夠晒貼地,被宅男熱捧為「打機女神」,加埋火辣身材及無敵長腿,因此極速上位成為「無綫小花」,事業升呢連帶桃花亦旺盛。

日前張曦雯一身運動 look帶埋愛犬現身數碼數公園放電,同行有媽咪之餘,還有一位混血型男全程陪伴,其間二人更糖黐豆齊齊玩航拍,好 sweet!







Kelly同男伴貼頭研究航拍機。





Kelly在數碼港公園陪愛犬追逐放電。





Kelly同愛犬玩到踎晒地。







混血型男幫手照顧 Kelly愛犬。





同行男伴除咗細心為 Kelly打點一切,同 Kelly屋企人更加相處融洽。

型男陪放狗

擁 33C火辣上圍的張曦雯早前率先奉行公司「限奶令」,飛到澳洲為旅遊節目《 3日 2夜》拍攝「潔淨版」,雖然節目中只能以三點式泳衣打底,外面要加潛水衣,但有靚女張曦雯陪觀眾欣賞日落,已經夠吸引!

工作做到冇停手,難得有假期,張曦雯當然爭取時間陪屋企人同愛犬,呢日著住運動外套加貼身 leggings的 Kelly,將四十二吋長腿表露無遺,她就帶住愛犬 Kira現身數碼港公園放電,同行有媽咪外,還有一位高大混血型男陪伴在側, Kelly一去到就好似小朋友咁同愛犬追逐兼玩到踎晒地,其間 Kelly又主動撩其他狗仔玩,跑到攰 Kelly就將愛犬交俾媽咪照顧,自己就同混血型男行埋一角邊傾邊玩航拍機,起初 Kelly對住部航拍搞唔掂,男方就耐心地解釋,兩人頭貼頭研究一番後,終於起機成功!玩足成個晏晝,離開時 Kelly同型男刻意保持距離, Kelly先行拖住愛犬去攞車,而男方就負責照顧 Kelly屋企人,非常貼心!







擁有 33C火辣上圍的 Kelly毫不介意性感上陣益觀眾,可惜公司奉行「限奶令」,往事只能夠回味。





Kelly經常帶愛犬 Kira周圍玩。

自稱單身

張曦雯身邊男伴團團轉,話晒有樣有身材,當然不乏追求者,當《壹》仔問到陪她放狗的混血型男是否其男友時, Kelly就透過短信表示:「對方係識咗好耐嘅朋友,我依家單身嘅!」再問到會否和對方有發展機會?「應該冇可能,自己對所有 tech嘅嘢都好有興趣,啱啱買咗部航拍唔識玩,所以就搵佢教我!」







Kelly間中都會在 Ig晒性感泳衣照。





最近 Kelly同家人飛去美國旅行,順道欣賞芝加哥公牛比賽。

美國放假

上位成為「無綫小花」,開始被公司力捧,去年張曦文終於升格拍劇做女一,接騷亦都接唔停手,最近她終於有時間放假和家人去美國旅行抖吓氣,悠長假期過後再搏殺。

「嚟緊 Kelly放完假返嚟就即刻會拍新劇《白色強人》,今次佢做醫生個角色好有發揮,仲會同郭晉安有多場對手戲!」知情人士透露。







公司奉行「限奶令」, Kelly率先著住潛水衣實行。





近年 Kelly多咗機會拍劇,作為「無綫小花」,早前她就在新劇《跳躍生命線》中同馬德鐘有不少對手戲。





因直播素顏打機時爆粗,被宅男捧為「打機女神」。

專吼 ABC

美國回流返港的張曦雯,鬼妹仔性格,一向鍾情 ABC的她,入行以來的緋聞男友全部都係外國長大,鬼聲鬼氣,特別啱嘴型。

李乘德 Philip(胡杏兒老公)

曾與同樣在外國讀書的胡杏兒老公李乘德 Philip因夜蒲撻着, 14年, Philip在夜場開生日會,張曦雯如女主人一樣,企喺男方身旁影大合照。

日韓混血兒 Wataru

15年初,張曦雯與一餐廳老闆、日韓混血兒 Wataru拍拖,女方更經常到男方餐廳打躉,其後有指何雁詩介入,被硬撬成功。

徐肇平(黃淑儀兒子)

於加拿大長大,其後回流返港的徐肇平,外形不錯, 14年加入大台,被安排到明珠台主持《港生活•港享受》時,與鬼妹仔張曦雯撻着,去年,二人被拍到齊齊出席活動後,前後腳返女方屋企玩煮飯仔。

翻版林奕匡 Daniel

去年被拍到與一位德國、越南混血兒 Daniel Lilischkies出入香閨,有米 Daniel家族從事遊艇買賣生意,又被指是「翻版林奕匡」,曾與莊思明拍過拖。

撰文、攝影:娛樂組


鍾意就快D Share啦!
Related Posts Plugin for WordPress, Blogger...