2018年1月11日 星期四

「大小姐」女配大熱迷惘林淑敏多得韓馬利開解 [壹週刊 - 1453] __,M1,

林淑敏說低潮時,幸得韓馬利主動跟她傾偈開解,從此成為密友。探熱針「大小姐」女配大熱迷惘林淑敏多得韓馬利開解入行17年,林淑敏近日終憑處境劇《愛•回家之 ...






林淑敏說低潮時,幸得韓馬利主動跟她傾偈開解,從此成為密友。

探熱針

「大小姐」女配大熱迷惘林淑敏多得韓馬利開解

入行 17年,林淑敏近日終憑處境劇《愛•回家之開心速遞》的大小姐「龍力蓮」一角,成網民心目中大熱女配角。大熱成因,除得到認同的演技,還有她有一段堅強的抗癌路。

10年發現患第二期乳癌,艱辛的仗得當時拍拖十一年的男友 Tommy(現為丈夫)不離不棄外,原來在她生活迷惘期,身邊還有一把天使聲音告訴她:「唔好擔心生活問題,有咩事我都同你兩份使。」林淑敏一直心存感激的人,叫韓馬利。







林淑敏的老公 Tommy,受老婆的見證影響,對信仰由抗拒變虔誠教徒,兩公婆一起返教會。





曾經擔心出路及生活的林淑敏,一直有韓馬利鼓勵,才可在娛圈咬緊牙關見曙光。

患甲狀腺仍拼命開工

○○年奪「網上最奪目」港姐的林淑敏,守在無綫十七年,近日終憑《開心速遞》角逐「最佳女配角」,以大熱姿態贏盡民心。入行由閒角做起,在港無親人的林淑敏,曾經日打兩份工拼命搵錢,文職拍劇兩兼下,每日只得四、五個小時睡覺而捱出病,患乳癌前,甲狀腺已是她身體發出的紅色警示。

「患上甲狀腺病,身體已經有問題,但我仲未俾自己休息,依然繼續不停做,好記得當時每朝起身最大壓力,就係摸吓自己對眼,睇吓有冇凸(甲狀腺病徵)。直至患乳癌,我先唔再用自己方法生活,因為我問自己,想搵咁多錢究竟為乜,假若聽日我唔再喺呢個世界,我倒不如好好珍惜自己。」林淑敏曾說。





在《開心速遞》,大小姐「龍力蓮」同「送水輝」之間的微妙感情,引起回響。





由潑婦做到巴辣大小姐,林淑敏都憑辣出位。在《開心》跟「 KC」是最佳拍檔。

作她的生活後盾

面對第一個黑暗期,男友 Tommy的體諒同陪伴外,身邊還多得前輩韓馬利開解。「 Mandy(林淑敏)到今日都提住,當年佢最迷惘時, Mary姐(韓馬利)主動走埋佢身邊傾偈,仲經常鼓勵同安慰佢。 Mandy當時擔心前途,一個女仔喺香港,又要應付好多開支,生活上點會冇壓力, Mary姐好好,仲同佢講:『你唔好擔心生活,有咩事我可以乜都同你兩份使。』,雖然 Mandy唔使去到呢一步,但 Mary姐當佢好似女一樣嘅關心。佢患癌做化療甩晒啲頭髮, Mary姐陪住佢行呢條路同時,亦攞晒佢好貴嗰啲假髮俾 Mandy用。」知情者說。





工作低潮時,擔心生活的林淑敏曾日踩兩份工,捱壞身體,令韓馬利好心痛。抗癌期間甩頭髮,韓馬利把近萬元的私伙假髮給她用。





入行前,當空姐的林淑敏樣子甜美。

熱心打動 Mary姐

與林淑敏成為十七年閨密,韓馬利說被她的熱心打動。「十幾年前, Mandy未經歷癌病,佢喺網上認識一個患末期癌症嘅女仔,大家素未謀面,但 Mandy好關心對方,不時探佢。有年大除夕,我哋一齊開緊 party等倒數,佢得知個女仔入咗醫院,即刻放低晒自己嘅嘢,趕去醫院為個女仔祈禱,我好欣賞佢個人夠真、有愛心。」







同屆三甲,是劉蘊慧、簡佩堅及劉嘉慧。





○○年選港姐,入最後五強的林淑敏獲「網上最奪目小姐」獎項。

大熱選擇沉默

對於林淑敏曾搏命搵錢捱壞身體,韓馬利說:「當時見佢打兩份工,真係好心痛。其實做呢行,有邊個未試過迷惘期,佢家人喺晒加拿大,一個女仔喺香港生活,乜都靠自己,人係需要有同行者,俾佢知道佢並不孤單,我叫佢要信得過神,要我哋承擔嘅困難係唔會超出我哋能力,勸佢堅持,依家佢咪領會到,見曙光,好在當日佢無放棄。」

看着她由做二打六的迷惘,捱到今日成女配大熱,韓馬利反而選擇沉默。「呢個話題我冇同佢討論,因為唔想令佢覺得有壓力。若果佢攞到獎,我先恭喜佢。」







大病一場後,反令她更投入演戲,扮演慈母入木三分。





成功抗癌後在大台劇《真相》演潑辣富家女出位,獲網民留意。

林淑敏猶豫停藥生 B老公拒絕冒險

因抗癌成功,又樂觀面對的林淑敏,被封為「最堅港姐」。

10年她發現患上第二期乳癌時,曾向拍拖多年的 Tommy提出分手,但他堅持不離不棄,還在手術後為她做「煮家男人」,為女友炮製健康食譜。

兩人經歷過考驗,終在 13年結束十多年愛情長跑,成為夫妻。四年婚姻,看見圈中女藝人一個又一個成為人母,羨慕的林淑敏曾經想過停服荷爾蒙藥,為老公生 B。不過 Tommy以老婆健康為優先考慮,寧願放棄下一代,都不想她冒險停藥。





林淑敏及溫裕紅是大台成功抗癌勇士。





飼養的鸚鵡及小狗成為他們的孩子。





結婚四年,兩公婆已有共識放棄生 B。

撰文:娛樂組

攝影:何子洋、蕭敬漁


鍾意就快D Share啦!
Related Posts Plugin for WordPress, Blogger...