2018年1月11日 星期四

難得返香港做自由行 陳奕迅拒絕同粉絲合照 [壹週刊 - 1453] __,陳奕迅,M1,

面對上前要求合照的學生妹,Eason禮貌地婉拒後再提出同對方握手補數。同你吟一吟難得返香港做自由行 陳奕迅拒絕同粉絲合照2017年陳奕迅(Eason) ...






面對上前要求合照的學生妹, Eason禮貌地婉拒後再提出同對方握手補數。

同你吟一吟

難得返香港做自由行 陳奕迅拒絕同粉絲合照

2017年陳奕迅( Eason)簡直驛馬星動,忙出碟、拍戲兼巡迴演唱,連想放假陪老婆同個女都無時間,呢排終於有假期返嚟香港抖吓氣,同出席吓啲頒獎禮。

《壹》仔呢日下晝就見到 Eason,佢頭戴住 cap帽加一身運動 look現身銅鑼灣行街,一支公冇司機冇助手跟住,行入無印良品選購日常用品,做慣空中飛人 Eason第一樣嘢就係去研究行李喼,可惜揀極都唔啱心水,之後 Eason再轉戰香薰區試聞減壓精油,係嘅,平時工作壓力咁大,有時都要搵方法令自己 relax一下。單拖掃貨半粒鐘就埋單走人,臨離開時被幾個女學生撞見,幾個女仔見到巨星梗係唔會放過集郵機會,即上前邀請 Eason合照,不過早前公開講過唔想喺街度同人合照嘅 Eason,就好有禮貌咁笑笑口婉拒,眼見對方扁晒嘴, Eason就提出握手補數,氹到幾個妹妹仔即刻笑番晒!





喺無印良品選購日常用品期間,突然收到電話的 Eason發揮「吹神」本色痞係地下傾足幾分鐘。





成日做空中飛人的 Eason細心研究行李箱。





Eason拿起香薰上手聞,好有生活品味!





早前 Eason神秘現身叱咤頒獎典禮大唱金曲,全場 High爆!

撰文:八珍 

攝影:李玄


鍾意就快D Share啦!
Related Posts Plugin for WordPress, Blogger...