2017年12月9日 星期六

【#metoo】張文慈上《東張》重提遭性侵:講俾人「迷咩」,我面對唔到 __,張文慈,

性侵風波未息,除咗多位女星先後自爆曾遭性侵,包括索媽陳敏之(新聞連結:http://bit.ly/2B5gPnG)、「十優港姐」麥明詩(新聞連結:ht ...




性侵風波未息,除咗多位女星先後自爆曾遭性侵,包括索媽陳敏之(新聞連結: http://bit.ly/2B5gPnG )、「十優港姐」麥明詩(新聞連結: http://bit.ly/2AL0zrK ),仲有被舊事重提嘅張文慈(Pinky)。

張文慈(Pinky)07年接受周刊訪問時,憶述自己17歲嗰年識咗一名男性,初時以為對方係好人,點知遭出賣受傷害,Pinky多年後於教會分享信仰經歷時,重提舊事,她說:「我沒有不開心,沒有喊,只是覺得遺憾!被騙!不是因為失去身體,而是失去那份信任。」

前幾日Pinky出席活動時,也被問及性侵舊事,她亦稱已經忘過去,「我覺得真係要搵信任嘅人講畀佢哋聽,唔係會有更多受害者。」(新聞連結: http://bit.ly/2AGdPM0 )

幾日後,Pinky再接受大台《東張西望》訪問,講咗更多當日案發詳情,訪問昨晚播出。

Pinky憶述,當年她做暑期工,認識咗個男同事,事發當日,Pinky跟男同事,和另一位女同事食飯,Pinky強調與該名男同事並非男女朋友關係。

Pinky稱該名男同事在其飲品落藥,之後她就失去知覺,醒起時發現自己耳仔同身體都有流血。《東張》主持問佢為何不報警,她稱:「當時冇報警,更加冇諗過要話俾屋企人知,我覺得大鑊喇!講俾屋企人聽死梗喇!講俾朋友聽但幫唔到幾多,我能夠做嘅只係以後唔見呢個男人。其實我好驚,一諗起報警會被人知,我覺得自己好醜,唔敢同人講。」

Pinky話入行後無意間提及呢件事,卻換嚟被人話佢博宣傳,而且雖然已經事隔廿幾年,但她稱其實一直以來都未能放低件事,「又唔敢出街,我覺得好醜,最困難係唔知點面對屋企人。」Pinky說到激動處,更眼濕濕謂:「講真,如果要我講呢兩個字出嚟,我覺得好核突囉!就係講俾人『迷咩』(迷姦)呢兩個字,我係面對唔到㗎o依家,我覺得用被人『性侵犯』會比較好,個心會舒服啲。」

(電視截圖) 張文慈接受《東張西望》訪問,重提被性侵事件。(電視截圖) 講到眼紅紅(電視截圖)
佢話唔敢面對「迷咩」一詞(電視截圖) (電視截圖) 又講到其他慘嘅遭遇(電視截圖)
(電視截圖) Pinky仲以過來人身份嚟教其他受害人點面對(電視截圖) (電視截圖)

鍾意就快D Share啦!
Related Posts Plugin for WordPress, Blogger...