2017年12月19日 星期二

煙駁煙 李修賢Man爆老婆現真身 __,李修賢,

人稱「李Sir」、靠警匪片起家嘅李修賢,近年養尊處優,間中返大陸拍劇賺人仔,生活寫意。多年嚟,佢都無帶過老婆出席公開場合,直到早前《壹》仔先見到佢同老 ...




人稱「李Sir」、靠警匪片起家嘅李修賢,近年養尊處優,間中返大陸拍劇賺人仔,生活寫意。多年嚟,佢都無帶過老婆出席公開場合,直到早前《壹》仔先見到佢同老婆勁恩愛,仲發現兩人有個共同嗜好──吞雲吐霧。

今年65歲嘅李修賢,後生時有型有款,加上成日飾演「阿Sir」,好有女觀眾緣架!不過入行以嚟緋聞少之又少,直到2015年先被影到同1984年港姐徐婉薇行街而傳緋聞,但一樣無損佢同老婆嘅感情。李修賢唔使返大陸掘金,就會選擇長駐香港慰妻,見佢兩公婆一坐低就一個歎雪茄,一個扯煙好合拍,仲吹水吹咗勁耐,李修賢又聽到冧笑,一睇就知感情好。之後佢哋手拖手去超市買餸,準備返屋企玩煮飯仔,秤不離鉈。

李修賢對家庭事一向三緘其口,剩係知太太係中菲混血兒,以前係空姐,皮膚黑而且打扮男仔頭,鍾意T恤短褲,講嘢、動作都好豪邁爽朗。不過,間中都有小女人嘅一面,尤其同老公行街嗰陣,會主動繑實撒嬌,李太買衫褲時又會叫老公幫眼,女為悅己者容嘛。難怪「李Sir」罕有流露鐵漢柔情,對住老婆笑瞇瞇啦。

相關新聞:

捧紅周星馳 李修賢發火鬧:做人忠厚啲,錢唔係萬能

http://bit.ly/2kf7Bfg

鍾意就快D Share啦!
Related Posts Plugin for WordPress, Blogger...