2017年12月7日 星期四

一姐起雙飛簽謝安琪 Juno撬埋薛凱琪 [壹週刊 - 1448] __,Juno,薛凱琪,謝安琪,麥浚龍,M1,

33嘅Juno,喺娛圈愈玩愈大,集歌手、演員、導演仲未夠,連經理人都要發大搞,繼謝安琪之後,薛凱琪都跟佢。探熱針一姐起雙飛簽謝安琪Juno撬埋薛凱琪年 ...






33嘅 Juno,喺娛圈愈玩愈大,集歌手、演員、導演仲未夠,連經理人都要發大搞,繼謝安琪之後,薛凱琪都跟佢。

探熱針

一姐起雙飛簽謝安琪 Juno撬埋薛凱琪

年初產女,準備抖夠復出的謝安琪,俾老友兼囡囡的契爺 Juno以八位數簽五年約,成功收歸他旗下的「 Silly Thing」。以為謝安琪在 Juno公司坐正做一姐,點知 Juno有鋪「買琪」癮,密謀要簽埋薛凱琪( Fiona),一姐起雙飛,同公司爭櫈仔坐。

撬人先合唱





去年睇中 Fiona嘅 Juno,搵佢合唱《結》,兩個分飾精子同卵子對話,玩 gimmick啱晒嘴型,埋下轉會伏線。

由歌手變電影導演未夠喉, Juno還將旗下的經理人部門壯大,近日密密重鎚收兵。搞掂謝安琪,據悉連薛凱琪亦即將與合作五年的太陽娛樂講拜拜,改跟 Juno搵食。

一五年, Juno找謝安琪合唱年度神歌《羅生門》,當時 Juno已鎖定謝安琪做自己人。去年他同樣藉合唱歌《結》埋薛凱琪身,埋下轉會伏線。加上太陽娛樂近年縮皮,對於薛凱琪拍一個 MV要花幾十萬的一姐作風,只有新主 Juno才可繼續滿足她的願望。

太陽閂水喉





近年太陽娛樂旗下藝人有出有入,新簽沈震軒,舊將方力申、鄧麗欣走人,一姐 Fiona約滿都同老闆洗米華 say bye!

「 Fiona同太陽仲有半年約左右,雖然太陽對 Fiona好好,乜都俾佢話晒事,一隻唱片做幾耐又唔管佢,幫佢接電影同內地劇,講搵錢, Fiona喺太陽係搵到。不過今年中太陽開始閂水喉,唔會再俾 Fiona用幾十萬拍 MV咁嘥錢,所以之前坐埋傾續約又點會再啱嘴型。」知情者說。

照跟謝安琪

有謝安琪佔地盤,薛凱琪都唔介意。「 Juno同佢一樣都係追求完美,大家又係潮人, Fiona覺得啱傾,所以明知有謝安琪喺度,彈藥唔會放晒喺自己身上,都唔介意,照揀 Juno做老細,依家傾緊條件,應該會跟謝安琪一樣簽五年。」知情者說。





前年謝安琪同 Juno合唱《羅生門》,成年度金曲,天后產後復出,亦賣身俾佢。





近年 Juno鍾意執導演筒,除有口碑的《殭屍》,最近力作《風林山火》更加人強馬壯,有影帝劉青雲、梁家輝、古天樂及金城武助陣。





要求高嘅 Fiona,在太陽娛樂拍的性感 MV,製作費都近百萬。

撰文、攝影:娛樂組 


鍾意就快D Share啦!
Related Posts Plugin for WordPress, Blogger...