掃呢頁CODE去手機

2017年12月27日 星期三

生日拍拖睇極光一波三折JM轉機失5行李 凍病嬲爆 __,JM,文詠珊,

■JM和男友去芬蘭及聖彼得堡旅行,結果因為寄失行李令她非常狼狽。文詠珊(JaniceMan)轉攻內地市場後,工作接不停,難得聖誕節有假期,日前與男友吳 ...




文詠珊(Janice Man)轉攻內地市場後,工作接不停,難得聖誕節有假期,日前與男友吳啟楠(Carl)拍拖旅行,兼慶祝後日生日,未料在芬蘭轉機去聖彼得堡時,5件寄艙行李全失。冷到病的JM昨日凌晨在微博貼文,炮轟芬蘭航空公司不負責任,完全沒有提供協助,之後去買日用品時再險遭盜竊,今趟旅程可謂一波三折。

文詠珊趁着聖誕假期,加上周五是她29歲生日,日前和拍拖三年多的男友啟程到芬蘭欣賞北極光。抵埗後,JM還拖着隨身的旅行篋,開心拍片放社交網,未料24日在芬蘭轉機去俄羅斯聖彼得堡時,她和男友的5件寄艙行李全數遺失,心情由天堂跌進谷底,平安夜很不平安!

JM昨日凌晨在微博貼文寫道:「昨天從芬蘭轉機到聖彼得堡,我的5件行理全給芬蘭航空弄丟了。所有的禦寒衣物和生活用品都在行李中,未來的兩星期在北歐都不知道怎麼過度,而芬蘭航空只回覆一句『不清楚』,這是一個合理的回覆嗎?」

已由聖彼得堡折返芬蘭的JM,昨日接受《蘋果》電話訪問時嘆道:「我哋行程係由香港飛去芬蘭,然後由芬蘭轉去聖彼得堡,諗住玩兩日先返芬蘭睇北極光,就係喺呢程機,全部行李冇晒,一件都冇,芬蘭航空係一句回覆都冇,我哋仲喺機場滯留咗4、5個鐘,就係不停搵行李,但係都冇人理我哋。」



■抵達聖彼得堡後,JM和其他失行李的同機乘客,齊齊到航空公司櫃枱查詢。 ■JM在聖彼得堡買糖果時強顏歡笑,並謂不會讓芬蘭航空破壞今次行程。

遭遇冷待

據JM透露,今次遺失行李不止她和男友,同機至少有8、9位乘客亦受影響,他們在行李輸送帶等不到行李都大吃一驚,齊齊去航空公司櫃枱查詢,但均不得要領,十分無助。JM說:「我哋噚晚咁啱喺街撞見番同機三個美國人,佢哋都話未搵得番(行李),但航空公司只係不停話『No Information』,又唔聽電話。」JM嬲爆謂:「我𠵱家只係得番一件手提行李,真係太過份,太誇張,我都好少會咁寫出嚟,但真係覺得好匪夷所思,追佢哋(航空公司)就表現好唔耐煩咁,一係就電話打唔通。」

JM又說,由於此行主要去欣賞北極光,怕冷的她大部份行李都是禦寒衣物,故失掉行李後,她要在聖彼得堡頻撲買衫及日用品。JM透露:「今次我準備咗全套full gear去,𠵱家冇晒,連帶去嘅糧食都冇晒,暖包又冇,呢度又買唔到,所以我已經凍到病咗,噚日先買番個篋,諗住嚟聖彼得堡玩兩日,點知變咗嚟買衫同日用品。」



■JM幾經波折,昨終於在芬蘭與5件行李「重逢」。 ■JM上月和男友齊齊患手足口病,未料今個月再齊齊失行李。資料圖片

險遇盜竊

不過,遺失行李逾48小時的JM,昨日由聖彼得堡飛回芬蘭前,終於在航空公司櫃位,聯絡上一位稱是負責行李的職員,對方指她的行李在芬蘭未有上機,果然,返回芬蘭的她終於取回5件行李。JM補充道:「唔見行李後仲有小插曲,冇晒啲行李之後,我哋即刻去買衫同埋日用品,其間我幾乎又俾人偷嘢,個背囊已經俾人打開咗一半,好彩發現得早。」她又說:「如果唔係發現到,連銀包同證件都冇埋就慘喇!」

採訪:小米




鍾意就快D Share啦!