2017年12月19日 星期二

【狗仔出更】被鬧唔成熟 J2「仙氣女神」鄺潔楹街頭掟電話 __,鄺潔楹,女神,

J2《3日2夜》盛產咪神同索女,25歲嘅鄺潔楹(Judy)喺西雅圖大學畢業後,就返香港做模特兒,冇耐加入tvb拍《3日2夜》,其中一幕指定動作--浸溫 ...




J2《3日2夜》盛產咪神同索女,25歲嘅鄺潔楹(Judy)喺西雅圖大學畢業後,就返香港做模特兒,冇耐加入tvb拍《3日2夜》,其中一幕指定動作--浸溫泉,令Judy火速上位。Judy靠嘅唔單止係32B上圍,而係清純樣貌加氣質,被網民捧為「仙氣女神」,仙唔仙就見仁見智啦,但Judy嘅嬌滴滴身材,確實令唔少男士有想保護佢嘅衝動。

上周三(13號)晚上近十點,記者見到Judy同疑似男友喺中環大會堂附近嘅長櫈上談心,見Judy蹺實男友隻手,好嬌聲咁一齊睇電話,但Judy見男友冇乜反應,突然一秒變臉,大發雷霆,之後就起身走人。男友追出去捉住Judy,Judy就繼續發嬲,男友叫佢成熟啲,嘩,聽到即刻眼濕濕咁話﹕「我唔成熟?由頭到尾都同空氣講嘢,你有冇重視過我、尊重過我呀?電話都重要過我。」跟住Judy就搶咗男友部手機掟落地,搞到男友嬲番轉頭,要Judy追番佢。

結果係點?........其實以上係無綫新節目《Y Angle》嘅聖誕劇場,講一對情侶分手,而男朋友仔係曾經喺nowTV做體育節目主持嘅黃庭鋒,Judy日前接受傳媒訪問時,被問係咪野蠻女友?佢笑笑口話﹕「真實唔會喺出面鬧交,喺屋企解決咗先,同埋都唔會掉電話嘅。」女神BB話依家係冇男朋友嘅,宅男可以暫且放心。



更多娛聞,喺晒《娛果》

http://fb.com/appledailyent

(攝影﹕吳耀輝、畢紹基) 鄺潔楹起初同「男友」黃庭鋒各自各睇手機。 覺得男友完全唔理自己,鄺潔楹就無癮,矋眼望住對方。


搶走男友電話掟落地。

黃庭鋒最後嬲到走人。 鄺潔楹身材嬌小,佢嘅「仙氣」大家feel唔feel到?!(ig圖片) 鄺潔楹話自己現在冇男朋友。(ig圖片)

鍾意就快D Share啦!
Related Posts Plugin for WordPress, Blogger...