2017年12月23日 星期六

【亞視新CEO歎:真係好混亂】永恆亞視翻版《殭屍》?Fox發聲明:本公司獨家擁有版權 __,亞視,

亞視無限復活,日前記招上,仲宣佈已購下《英雄本色》版權,將拍攝電視版,仲話會重拍劇集《我和殭屍有個約會》,演員遲啲公佈。亞視又重拍《殭屍》?之前又話將 ...




亞視無限復活,日前記招上,仲宣佈已購下《英雄本色》版權,將拍攝電視版,仲話會重拍劇集《我和殭屍有個約會》,演員遲啲公佈。

亞視又重拍《殭屍》?

之前又話將《殭屍》嘅版權賣晒俾美國Fox(21世紀福斯)旗下「福斯傳媒集團」嘅?去年3月仲有報道話將重拍,預計拍20集,會斥鉅資做特技化妝,甚至以同一題材開拍電影版,角色方面,除會選用新面孔外,仲會選用大家熟悉的資深演員。嗰陣《蘋果》有問過「況天佑」尹天照拍唔拍,已信基督教嘅佢斬釘截鐵話唔會拍,反而《我和牧師有個約會》就得!

已經係去年嘅事,到依家都冇聲氣,而且2018年都就到喇,Fox係咪將《殭屍》版權賣番出去呢?大家都好想知。今早,Fox方面終於有一個清楚解釋。

係,發咗聲明,重申Fox唔止仍持有《殭屍》系列共三輯嘅版權,仲溫馨提醒番亞視,佢哋仲有《情陷夜中環》、《肥貓正傳》、《縱横四海》及《我和春天有個約會》等——即係,亞視依家唔單止唔可以約會殭屍,就連Spring都唔可以約。2015年亞視將其資產賣得就賣,包括粵語長片都賣咗俾無綫,記得嗎?除非亞視再出銀彈,買番晒啲版權返嚟

咁啱今日亞視請傳媒入大埔總台探班,新任CEO吳雨對於翻版《殭屍》版權事件就表示:「我頭先講,我哋入嚟嘅時候係好多嘢要跟番晒,我哋睇番個合約,初初我哋睇,佢哋係賣咗好多俾人,無綫又有、HMV蕭定一嗰邊又有、霍士又有,我哋係攞番原來嘅合約嚟睇,我唔知佢哋後邊有冇補充協議,真係唔知。後邊背後真係好混亂,我哋睇過我哋咪屬於我哋囉,咁當然我哋依家都同霍士了解緊,係真係有呢啲問題,冇所謂嘅,咪大家傾囉,合作之嘛拍嘢。」係咪堅持想自己拍番?吳雨話:「大家傾啦。」佢話假若人哋想自己拍,佢哋都冇所謂,因亞視好多經典劇,可以拍過第啲。」

但講到好多經典都賣咗比人,吳雨話:「咪傾囉,蕭定一佢哋都好想同我哋好多合作0架,冇辦法啦,呢個都既成事實,好多經典嘅嘢去咗第二度,相信佢哋都唔想攬住呢啲經典就擺埋佢㗎。難得有人想重拍,又比新意比觀眾,甚至乎我哋《英雄本色》都唔係呢度架啦,自己都可以買到個版權返嚟,其實都好多選擇俾大家嘅。我諗呢個係一個美麗嘅誤會啦,啲合約真係太混亂啦,要清楚番少少。」



FOX聲明全文:

「就日前亞洲電視有意重製《我和殭屍有個約會》之報道,21世紀福斯旗下福斯傳媒集團重申本公司獨家擁有《我和殭屍有個約會》、《我和殭屍有個約會II》及《我和殭屍有個約會III之永恆國度》之所有相關版權 (包括一切改編及重製該系列等權利) 。

福斯傳媒集團已於2015年向亞洲電視有限公司及亞洲電視企業有限公司購買了其28部電視劇集之所有版權;包括:《我和殭屍有個約會》系列、《情陷夜中環》、《肥貓正傳》、《縱横四海》及《我和春天有個約會》等。

福斯傳媒集團

2017年12月23日」

更多娛聞,喺晒《娛果》

http://fb.com/appledailyent


鍾意就快D Share啦!
Related Posts Plugin for WordPress, Blogger...