2017年12月24日 星期日

處女拍劇對白有甩咳 余思霆驚到標汗 __,余思霆,

加油呀!藝人陳煒、余思霆和潘芳芳在黃竹坑一間醫院為無綫新劇《好日子》開工,拍攝陳煒探望飾演其患病恩師的潘芳芳,場面感人。陳煒在訪問時便指自己戲中是小學 ...


加油呀!


藝人陳煒、余思霆和潘芳芳在黃竹坑一間醫院為無綫新劇《好日子》開工,拍攝陳煒探望飾演其患病恩師的潘芳芳,場面感人。陳煒在訪問時便指自己戲中是小學校長,要與一班小朋友朝夕相對:「嚟緊聖誕假同新年假都同佢哋開工。(聽話?)佢哋七至九歲左右,都好聽教聽話,直頭當佢哋係大人咁溝通都得!」與黃智賢與張達倫有感情線的她又笑指自己期待與他們的親熱戲。提到亞視「翻生」,問亞視有否向她招手?她即謂:「冇啦,大家都好清楚我依家係無綫人,亦都知好多幕後番咗去,人工都唔錯!」

至於在台慶獲巨獎的余思霆今日是處女拍劇,講對白有些少甩咳的她便直言驚到出手汗:「好緊張,好驚做得唔好,又好驚講廣東話講得唔好,好彩導演都好好,比較長嘅對白肯畀我分開兩句講。其實我做訪問都仲係好緊張。」問到男友有否鼓勵?她謂:「全部朋友都有同我講加油,朝早喺化妝間都聽緊錄音。」她又指日後與陳煒有不少對手戲,望能在對方身上偷師。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...