2017年12月23日 星期六

西甲:【國家打吡】銀河艦隊沉沒!巴塞威盡巴拿貝 __,銀河,

即上英超刨績王:http://win.on.cc/epl國家打吡點會冇話題?皇家馬德里周六西甲,主場同死敵巴塞隆拿合演國家打吡。皇馬半場控制住比賽,點 ...




即上英超刨績王:http://win.on.cc/epl

國家打吡點會冇話題?皇家馬德里周六西甲,主場同死敵巴塞隆拿合演國家打吡。皇馬半場控制住比賽,點知換邊之後畀巴塞連撳兩球,仲要打少個,最終以0:3慘敗,聯賽落後死敵14分,仲想爭西甲真係要奇迹!

銀河艦隊一開波採取壓迫性踢法,令到巴塞好難組織攻勢。不過,C朗一開波就食咗個詐胡,再加上巴塞門神達史迪根繼續有上佳表現,皇馬控制比賽但係就搵唔到入球。巴塞唔係一味捱打,但係主隊門神基羅拿華斯亦十分集中,數度埋門都過唔到佢十指關。雙方半場最後15分鐘鬥攻十分精彩,但係都要窿窿返更衣室。

巴塞換邊後8分鐘就先開紀錄,拿傑迪錫中間推進橫傳畀沙治羅拔圖,呢位西班牙球員再畀蘇亞雷斯,後者近門輕鬆射入。巴塞得勢不饒人,9分鐘後連番射門,最後丹尼爾卡華積門將上身護空門,球證直指12碼,仲趕埋佢出場,美斯操刀冇甩拖,領先到2:0,將自己對皇馬嘅入球紀錄擴大至25球。

皇馬之後換入加里夫巴利同馬高阿辛斯奧博一鋪,但係多次機會都破唔到蛋,完場前仲畀阿歷斯維度射入整多粒,最後艦隊吞3蛋輸波,今季聯賽都可以話幾近玩完。

東網體育同你追實體壇每個精彩時刻!

http://bit.ly/2ecTF2A


來源 source: http://hk.on.cc
鍾意就快D Share啦!
Related Posts Plugin for WordPress, Blogger...