2017年12月31日 星期日

甩拖兩個月主動出擊嫲嫲劉美君 拋胸放電誘熟男 __,劉美君,

【傾唔停】■劉美君穿大deepV約四眼熟男撐枱腳,其間二人傾個不停,氣氛愉快。【上環】劉美君經歷過兩段失敗婚姻,今年10月又跟男友結束八年情,在情場上 ...




【上環】劉美君經歷過兩段失敗婚姻,今年10月又跟男友結束八年情,在情場上屢敗屢戰的她,雖然年屆53歲已是嫲嫲級,但愛做瑜伽的她身材操得好弗,仍然風韻猶存。日前劉美君就身穿性感大deep V約熟男撐枱腳,其間主動出擊色誘男方請食免費「雙球雪糕」,更出手為熟男拭嘴角,全晚風情萬種甜絲絲。

劉美君在80年代唱《午夜情》爆紅,歌詞中提到「誰願意身體每寸任撫摸,誰願半點朱唇吻千個」,而08年她更憑電影《我不賣身.我賣子宮》榮膺台灣金馬影后,在事業上順風順水的她,感情路卻波折重重飽受風霜。曾兩次離婚的劉美君,早前又與拍拖八年的男友Steve分手,想不到失戀才短短兩個月,她最近身邊出現一位熟男,日前兩人在上環撐枱腳,疑似新戀情曝光。



【拭嘴角】

■劉美君用手幫熟男拭嘴角,體貼又溫柔。
【戰鬥格】

■離開座位時,劉美君的低胸裝幾乎跌到落肚臍,戰鬥格十足。

一碗兩份食

本月10日踏入53歲的劉美君,日前晚上約7時在上環某間西餐廳,被本報發現跟一位熟男蜜會,劉美君穿超deep V戰鬥格兼化行妝,對面坐了一位四眼熟男,兩人在等餐期間雞啄唔斷,傾得十分投契。扮到靚靚的劉美君表現風情萬種,不時將身體傾前挨實枱邊,雙手托着下巴,有意冇意間騷身材放電色誘熟男。當食物陸續上枱後,劉美君跟普通女仔一樣習慣相機食先,熟男就不斷找話題傾偈,逗得劉美君笑到四萬咁口,之後他們更一碗東西兩份食,氣氛甜蜜愉快。

全程電力四射的劉美君,其間抵不住餐廳的強勁冷氣,前後三次又穿又脫褸,當吃到尾聲時,她更出手搣熟男的下巴,又似是體貼地幫對方拭乾淨嘴角。一餐飯吃足兩小時,才由熟男埋單,劉美君蹺着對方手臂離開餐廳,然後轉場行過對面賣日本燒酒的店舖。

熟男點了一杯燒酒慢慢嘆,但原來劉美君滴酒不沾,齋坐陪熟男嘆番杯。離去時熟男再化身護花使者,先行將座駕駛近燒酒店的路邊,以免穿高踭鞋的劉美君行斜路辛苦,之後兩人又拖手又蹺手,甚至攬腰。熟男護送劉美君上車返半山香閨後,才獨自離去。



【轉下場】

■兩人撐完枱腳後,到對面街繼續下半場。
【陪飲酒】

■戒了酒的劉美君,齋坐陪熟男飲燒酒。
【拖手走】

■歡聚一晚後,兩人又拖又蹺手上車離去。

由細識到大

記者致電問劉美君是否有新男友?她表示:「哎呀!因為啱啱我生日,好多日都有慶祝,呢個唔係新男友,我哋識咗幾十年,唔係十幾年廿幾年,係三十幾四十年嗰啲,真係由細識到大。」對於熟男對她十分體貼,劉美君說:「你話見到佢好照顧我,咁死黨、咁老友識咗咁多年人,就算唔係佢,一般嘅gentleman都好照顧,咁我又着緊高踭鞋,嗰陣又斜路,扶住我上車好正常箒,任何一個gentleman都會做嘅嘢,唔係追唔追,幾廿年追乜鬼嘢,如果我有男朋友,我第一時間會話畀大家知,放心。」

採訪、攝影:畢紹基、孔志豪



■劉美君跟舊愛Steve拍拖八年,今年10月宣佈分手。資料圖片 ■53歲的劉美君已是嫲嫲級,已有兩個孫。互聯網圖片

鍾意就快D Share啦!
Related Posts Plugin for WordPress, Blogger...