2017年12月20日 星期三

【逼婚變逼分?】撇馬明同富二代撻着?黃心穎:大家自己估 __,馬明,黃心穎,心穎,富二代,馬國明,

馬國明同黃心穎嘅關係逐漸浮面,日前馬明接受周刊訪問嘅時候,佢話同心穎相處之後,覺得女方嘅性格好吸引佢,馬明亦承認自己都變得開朗咗,仲比以前多咗嘢講,總 ...




馬國明同黃心穎嘅關係逐漸浮面,日前馬明接受周刊訪問嘅時候,佢話同心穎相處之後,覺得女方嘅性格好吸引佢,馬明亦承認自己都變得開朗咗,仲比以前多咗嘢講,總之大家相處得好舒服,O依家係了解中,如果將來公開感情事,只會係結婚或分手。(新聞連結:http://bit.ly/2kMtxh2)

不過今日有周刊報道,馬明同心穎呢段關係玩完,日前馬明出席完活動之後,竟然冇約到心穎行街街,獨自返咗屋企,心穎就自己一個人周圍行,仲有知情人士話佢哋相處有問題,好似心穎話想去睇北極光,但係馬明冇乜表示,甚至亦冇帶過佢返屋企見家長。

報道仲話馬明察覺女友有異樣,諗住用結婚箍實女友,但係心穎又嫌馬明太宅同對唔夠關心,於是堅拒結婚兼分手。分手後嘅心穎似乎不愁寂寞,有指佢同富二代撻着,出入活動唔單止有7人車接送,仲話心穎忽然富貴,着喺身上件件都係名牌。事後心穎接受周刊訪問,被問到係咪分手,佢叫大家自己估,又話自己唔知道,不過講到結婚嘅事,佢就話結婚好似仲係好長遠,大家未諗到呢一步,亦冇好詳細諗呢個問題,不過一齊得都係認真。

今日馬明接受傳媒訪問,講到同心穎o依家嘅關係,佢話:「我哋o依家相處得好舒服,大家喺度了解中,我從來都冇話過要結婚,我都好多謝大家嘅關心,不過都係嗰句,如果將來公開感情事,只會係結婚或分手。」之不過經常都有報道話心穎好拜金,馬明話:「我都覺得對佢有啲唔公平,佢都唔係咁嘅人!」至於話有富二代出現喺心穎身邊,唔知馬明又會唔會加把勁趕走勁敵呢?馬明就話:「有冇勁敵都喺繼續....了解中,同埋證明女仔條件好。」

心穎接受傳媒訪問就話:「我哋同之前關係一樣,無變。」再問佢係男女朋友抑或了解中?心穎就話:「相處舒服喇!」至於講到佢周身名牌,出入仲有7人車接送,心穎就話:「我不嬲都會買自己鍾意嘅嘢,有時我出去都會call車,因為返工好攰,冇精神揸車,嗰啲只係街車嚟啫!」

更多娛聞,喺晒《娛果》

http://fb.com/appledailyent

(資料圖片) 馬明同心穎因為拍戲而撻著!(資料圖片) (資料圖片)
馬明同心穎話大家相處舒服。(資料圖片) (資料圖片)

鍾意就快D Share啦!
Related Posts Plugin for WordPress, Blogger...