掃呢頁CODE去手機

2017年12月9日 星期六

【黃昏戀開花】無綫資深演員陳榮峻當眾下跪 向吳香倫求婚 __,無綫,陳榮峻,吳香倫,

恭喜恭喜!62歲嘅無綫資深演員陳榮峻,與已屆57年、同屬無綫資深演員吳香倫譜黃昏戀曲,兩人拍拖已有一段日子,兩人經常出席慈善活動,又會結伴去旅行,去年 ...




恭喜恭喜!

62歲嘅無綫資深演員陳榮峻,與已屆57年、同屬無綫資深演員吳香倫譜黃昏戀曲,兩人拍拖已有一段日子,兩人經常出席慈善活動,又會結伴去旅行,去年吳香倫還與陳榮峻家人一起到新西蘭旅行。最近陳榮峻去新西蘭拍戲,吳香倫亦同行作伴。

之前陳榮峻接受傳媒訪問時,承認與吳香倫已有結婚之意,兩人一齊大約三年左右,但希望得到雙方家人同意。結果,今晚無綫職藝員聯歡晚宴第二晚,筵開二百多席盆菜,期間陳榮峻突然向吳香倫求婚,仲係黃翠如幫手做媒人添!

話說盆菜宴期間,翠如突然捧住盒花,送俾吳香倫,此時手執戒指嘅陳榮峻,隨後下跪,向吳香倫公開求婚。司儀話:「俾啲歡呼聲聽下!」全場拍掌尖叫。陳榮峻當眾跪下,吳香倫一時都俾唔到反應,仲有啲怕醜,然後點頭說好,陳榮峻即為女方戴上戒指,好sweet!

之後陳榮峻話:「其實我好怕醜,又唔識講嘢。但係今日為咗我嘅至愛,我好希望佢能夠開心,同埋留下一個好好嘅回憶。」眾人起哄要咀嘴,陳榮峻就攬住吳香倫錫咗啖,之後再應大家要求錫多啖,當然又全場起哄啦。

吳香倫她出身演藝世家,爸爸吳殷志是粵語長片明星,11歲已經在荔園登台唱歌,1975年同陳浩德、鄭君綿、鄭錦昌等人推出多張雜錦專輯。

(互聯網圖片) (互聯網圖片) (互聯網圖片)
(互聯網圖片)

鍾意就快D Share啦!