掃呢頁CODE去手機

2017年12月27日 星期三

【八年情不變】遲來的聖誕 馬明子善陪唐詩詠食素 __,馬明,唐詩詠,詩詠,馬國明,

大台劇《鐵馬尋橋》七年前播出,一班劇中演員感情不變,「章哥」鄭嘉穎、「阿棠」馬國明、「阿仁」黃嘉樂、「阿良」林子善同「阿雁」唐詩詠不時約出嚟食飯,感情 ...




大台劇《鐵馬尋橋》七年前播出,一班劇中演員感情不變,「章哥」鄭嘉穎、「阿棠」馬國明、「阿仁」黃嘉樂、「阿良」林子善同「阿雁」唐詩詠不時約出嚟食飯,感情猶如親姊弟,間唔中就貼出合照,原來噚日又有聚會,一齊過Boxing Day,佢哋「大哥」鄭嘉穎就同女友陳凱琳去咗溫哥華過二人世界(新聞連結:http://bit.ly/2pEzBhu),所以冇出席。

唐詩詠今日凌晨喺Ig貼出四人合照,見佢同林子善攬頭攬頸,不知幾老友,原來佢哋搞「遲來的聖誕素食」聚餐,唐詩詠留言:「有乜嘢開心過我三個兄弟都幸福快樂,嚟緊我應該有排做兄弟嘞!」話晒林子善出年4月3號就同圈外女友Kary結婚,咁唐詩詠又話「有排做兄弟」,未知係唔係暗示馬國明同黃心穎都好事近呢!?

三哥黃嘉樂亦向細妹唐詩詠送祝福,回覆:「妳都要幸福快樂!」而林子善亦寫道:「你的幸福快樂也好快會到,因為他在努力學習中好快會畢業去迎接你,喺o依個時候就等我哋幾兄弟去照顧你先。」令唐詩詠覺得好心甜:「哈哈!睇得出你哋好照顧我,食素都肯。」

更多娛聞,喺晒《娛果》

http://fb.com/appledailyent



大台劇《鐵馬尋橋》喺2009年拍完,翌年播出。網上圖片 不過佢哋拍完咁多年一直keep住見面。網上圖片
聚埋一齊,必定影大合照。網上圖片 關係猶如一家人。網上圖片 唐詩詠今日凌晨喺Ig貼出四人合照。網上圖片
佢哋都希望唐詩詠快啲搵到幸福。網上圖片 唐詩詠微博截圖 唐詩詠微博圖片

鍾意就快D Share啦!