掃呢頁CODE去手機

2017年12月26日 星期二

張寶兒陪度春宵 袁偉豪笑吟吟 __,袁偉豪,張寶兒,

袁偉豪與張寶兒共度平安夜,沿路見她一直甜笑回味。
張寶兒陪度春宵袁偉豪笑吟吟型男袁偉豪與港姐出身的張寶兒拍拖半年多,身為基督徒的她早前預告聖誕會「送自己」畀男友,果然坐言起行,兩人前晚共度相戀後的初次 ...


張寶兒陪度春宵 袁偉豪笑吟吟

型男袁偉豪與港姐出身的張寶兒拍拖半年多,身為基督徒的她早前預告聖誕會「送自己」畀男友,果然坐言起行,兩人前晚共度相戀後的初次平安夜。經過甜蜜一晚後,兩人雙雙離開男方寓所,張寶兒全程嘴角含春甜笑,被問到是否「平安」?袁偉豪笑吟吟說:「平安、平安……」

36歲袁偉豪(Ben)與26歲張寶兒(Bowie)今年5月拍攝無綫旅遊節目《打工捱世界Ⅱ》時一撻即着,相戀以來更是甜蜜蜜,感情極為穩定。身為基督徒的Bowie月前與男友被踢爆同遊日本兼於男方家過夜,掀起「處女」話題,她當時表示:「我有底線亦知道自己做緊咩,唔好畀個框框住係咪處女,希望大家唔好Focus呢樣嘢!」話雖如此,打得火熱的兩人早前被傳媒追問如何度過拍拖後首個聖誕時,Bowie已直言「送個人」給男友。

女友春風滿面

前晚平安夜,Bowie當然付諸行動,與男友雙雙甜蜜度過浪漫平安夜,一夜春宵後,兩人於昨午約1時,齊齊離開男方位於將軍澳的寓所。Ben駕車接載女友往附近商場,兩人下車時見記者在場,初時亦一臉愕然,但友善的Ben及後笑笑口打招呼,並大方接受訪問,問到平安夜是否與女友一齊過?他尷尬地說:「平安夜……?」隨後情深款款望着女友問:「我哋尋晚係咪一齊過啊?」春風滿面的Bowie即變得風騷,全程以甜笑作回應,看來依然回味初次共度平安夜!當再追問兩人平安夜是否過得「平安」,Ben笑吟吟說:「平安、平安……」

袁偉豪在電器舖眾目睽睽幫女友撥髮,認真體貼!
  • 袁偉豪在電器舖眾目睽睽幫女友撥髮,認真體貼!
停車場時人少少,袁偉豪忍唔住搭女友膊。
  • 停車場時人少少,袁偉豪忍唔住搭女友膊。
張寶兒見男友攞住咁多嘢,幫手揼骨鬆鬆。
  • 張寶兒見男友攞住咁多嘢,幫手揼骨鬆鬆。

街頭揼骨冧仔

兩人走入商場,先往電器舖選購焗爐,期間男方不時體貼地為女友撥頭髮,離開時他透露要買焗爐整甜品。其後兩人轉戰觀塘,原來相約一名男友人醫肚,食飽後再到附近的九龍灣家品店行街,還揀選不少浴室用品、浴簾及廚房用品等,看來為愛巢添置用品!逗留個多小時,兩人取車離開,可能見男友拎晒戰利品,Bowie沿途為男友揼骨按摩膊頭,極為煙韌。問到Ben送甚麼聖誕禮物?Bowie說:「都係小禮物」當問到女友是否「送個人」給他,兩人聞言只甜笑不答,匆匆返歸二人世界繼續溫馨。

袁偉豪單手抽起大大部焗爐,力的表現!
  • 袁偉豪單手抽起大大部焗爐,力的表現!
袁偉豪與張寶兒睇家品,似為愛巢添置用品。
  • 袁偉豪與張寶兒睇家品,似為愛巢添置用品。
張寶兒咁索,難怪袁偉豪笑吟吟嘅!
  • 張寶兒咁索,難怪袁偉豪笑吟吟嘅!

文、攝:追蹤組






鍾意就快D Share啦!