掃呢頁CODE去手機

2017年12月21日 星期四

陳敏之爆唐文龍睇病被護士圍 __,敏之,唐文龍,陳敏之,

唐文龍被劇中「正印」胡琳(左)和「小三」陳敏之扭耳仔。
陳敏之爆唐文龍睇病被護士圍唐文龍與陳敏之在熱播的無綫劇中親熱戲連場,唐文龍更大騷爆肌Body,大晒胸肌及麒麟臂。陳敏之昨日踢爆他到醫院睇醫生,卻被女護 ...


陳敏之爆唐文龍睇病被護士圍

唐文龍與陳敏之在熱播的無綫劇中親熱戲連場,唐文龍更大騷爆肌Body,大晒胸肌及麒麟臂。陳敏之昨日踢爆他到醫院睇醫生,卻被女護士包圍影合照,十分受歡迎!

演員李司棋、夏雨、米雪、關菊英、陳敏之、唐文龍和黃翠如等昨日到黃大仙宣傳無綫劇集《溏心風暴3》。人妻陳敏之在劇中與唐文龍大玩不倫戀,連日來上演多場火辣親熱戲,前晚更在泳池鴛鴦戲水情不自禁錫錫。

老公擰頭冇眼睇

陳敏之大爆劇中不時騷肌的唐文龍被女護士包圍,她笑說:「依家好多女仔垂涎唐文龍嘅胸肌、麒麟臂,練咗咁耐冇白費。佢好專業,拍之前會做掌上壓令線條靚啲,我啲女仔朋友都想搵佢影相,我話:『唓!我都試過、你哋就未摸過啫!』哈哈!佢去醫院睇醫生畀啲女護士圍影合照,佢太有型,啲護士都頂唔住。」唐文龍笑說:「我之前去咗嗰間醫院10年,之前都冇人理我,咁耐冇拍劇,當然唔想令大家失望。」陳敏之透露激情戲至今老公還沒看過,她笑說:「老公思想成熟嘅,但係我情願佢唔好睇,佢返嚟冇黑面,只係擰晒頭冇眼睇咁嘅樣啫,哈哈。」

陳敏之和唐文龍鴛鴦戲水兼錫錫。
  • 陳敏之和唐文龍鴛鴦戲水兼錫錫。
黃翠如落力為新劇造勢。
  • 黃翠如落力為新劇造勢。
李司棋、米雪、夏雨和關菊英等派紀念品,氣氛熱鬧。
  • 李司棋、米雪、夏雨和關菊英等派紀念品,氣氛熱鬧。

此外,唐文龍昨日到電台接受訪問,透露與陳敏之的床戲被刪減了6、7成,可能是受「限奶令」影響:「其實都可惜,我唔係想大家Focus嗰部分,但嗰部分有我哋嘅文戲,之間嘅眼神同無奈。我哋嘅角色好爭議性,佢一定會畀人話小三,我就會畀人話係PK、賤男,但希望觀眾明白社會有呢個情況。」

李司棋要鬥長命

至於李司棋回應被雜誌指身體出問題而有意停工養病,她指最近抽血報告顯示身體好到不得了:「過咗去喇,雜誌都寫咗幾次,依家狼來了都好嘅,以後冇人信我病。依家身體OK,會更加愛惜自己,鬥長命等佢哋知道我冇咁易死得去。」又表示未言休,笑說:「個樣仲睇得咪做囉,如果皺晒皮就要喺屋企抖吓,依家精精神神,生生猛猛,唔做嘢喺屋企做咩呢?」

文:影視組




鍾意就快D Share啦!